دور ای اهل عشقون علمداری قارداش
دوشن نهـر علقمـده قولاّری قارداش
امیدیـم ابوالفضـل پناهیـم ابـوالفضل
علم یاتدی سنـدی سپاهیـم ابوالفضل
نـه راحت یاتوبسـان بـو قانلـی منـاده
نجـه حمـل ائـدوم نعشوی بیر عباده
سـن ئولـدون بـرادر داغلـدی جلالیـم
گوزون آچ نجه گور پریشاندی حالیم
رقیّـم قالـوب خیمـه‌ده دیـده گریـان
اولا کـاش جانیـم بئلـه جانـه قربان
بئلیم سيندی قارداش اورک دؤندی قانه
سنـی آلـدی منـدن بـو دور زمـانه
عجب عشق اطاقینده راحت یاتوبسان
سوسوز صود امر طفلی گوزدن آتوبسان
آنام فاطمـه دیـده گریانـدی قارداش
آتـام مرتضی چوخ پریشاندی قارداش
آدامسیز حسینـم اورک داغـلارام من
اگـر فرصت اولسا یاران باغلارام من
باشون یاره‌سیندن آخور قان ابوالفضل
کانّـه بدنـدن چيخـور جان ابوالفضل
نجه جسموی ایندی ترک ایلیوم مـن
سوسوزلار سوروشسا سنی، نیلیوم من
بو بوش مشگه باخدوقجا یانّام برادر
آپارســام خیامــه اوتانّـام بــرادر
نقدری دگـوب جسموه نیزه و اوخ
سنـه آغلـورام مـن منه آغلیان یوخ
****
کربلا زمزمه سی - رسولی
منبع:سایت مدایح
- پنج شنبه
- 9
- شهریور
- 1391
- ساعت
- 14:0
- نوشته شده توسط
- جواد
ارسال دیدگاه