مین کتابی بیراشارتدن اوخور فرزانه لر
روز بیعتدی دولوبدی قانیلن پیمانه لر
سرووی سیندیردی دشمنلر آییردی خوللارین
عیبی یوخ قارداش ساغ اولسون غنچه لرریحانه لر
تشنه لبلرلن بیر ایش گوردوم کنار نهریده
تا قیامت اقتدا ایلر منه مستانه لر
بیر غریبه حالتیم وار هم خمارم همده مست
درک ائدنمز بو مبارک حالتی بیگانه لر
زلفیمه بیرنوعی خنجرلر سروسامان وئروب
بو پریشانلیقدا گیسونی گورنمز شانه لر
قالخیزاندا نوفل ظالم عمودی غیضیلن
یومدیلار گوز چیگنیمون اوسته قونان پروانه لر
بیلورم بیر لحظه ده اعجاز عشقون نیلدی
شمعِ سقا سوندی ، یاندی شمعِ سقاخانه لر
- سه شنبه
- 24
- فروردین
- 1400
- ساعت
- 16:11
- نوشته شده توسط
- یوسف اکبری
- شاعر:
-
وفا منافی اردبیلی
ارسال دیدگاه