ای بند قلب مصطفی
نور چشمان علی
زهرای خیره النساء
دین و ایمان علی
گون تک باتما مُنورّیم
ای خورشید ازلیم
تک قویما مرتضانی سن
زهرا جان ای گوزلیم
باخ قلبی سینان علیَم
آواره قالان علیَم
دگدی اورگیمه یارا
گور قدی کمان علیم
باخ زینب آغلیور سنه
سینه داغلور ملیور
سسلور ای مهربان ننه
گوزدن یاشین الیور
دور رحم ایله حسینیوه
غرق مُحن بالوا
کلثوم آغلور عزالیدور
مظلوم حسن بالوا
رحم ایله بالالاریوا
گل مثلی اوشاقلاریوا
مرحم تاپا بیلمدیلر
سینونده یارالاریوا
باخ گور کی اوزگه حالتم
یوخ منده صبر و قرار
پیغمبرده خجالتم
گیتمه ای حیدره یار
سنسیز بو شاه خیبرون
عز ُّ و جاهی داغیلار
باخ گور زهرا آدامسیزام
گیتسن ایویم یخیلار
ای یاره لی آچ گوزیوی
بیرده دی منه سوزیوی
ایستور بالالار گوره لر
بیرده او صولان یوزیوی
گیزلتدون دردیوی ندن
مندن ای کان حیا
سینون گوردوم یارالیدی
اوتلاندی شیر خدا
زهرا جان مرتضانی سن
گوزدن هیچ آتمازیدون
ایندی بیلدیم گیجه ندن
صبحه جک یاتمازیدون
ای گللریمون آناسی
پیغمبریمون بالاسی
اینجیتدی سنی قاپیدا
داغ مسمارینون یاراسی
- دوشنبه
- 8
- بهمن
- 1397
- ساعت
- 10:43
- نوشته شده توسط
- ابوالفضل عابدی پور
- شاعر:
-
احمد پوریا
ارسال دیدگاه