دختر عالمه ی ختم رسالت زهرا
همسر فاضله ی شاه ولایت زهرا
خالق ذوالمننه عبد رفیع الدرجه
مسندی، عرشه ی کرسی جلالت زهرا
آتا معصوم اوزی معصومه دی همسر معصوم
اولان عالم آرا تندیس قداست زهرا
مشعل انجمن اهل کسا محرم راز
چشم بینایه اولان حقدن علامت زهرا
سرمه چشم ملک گردو غبار قدمی
بسکه لایقدی اولوب مام امامت زهرا
اوزینی مخفی ائدن دیده ی نا بینا دن
اسوه ی حجب و حیا الگوی عفت زهرا
ایستسه هرکسه نا ممکنی ممکن ائلیر
دولانوب مس زر اولار ائتسه عنایت زهرا
هم قیزی هم آناسی عالم آرا طاها نون
رونق خانه ی پیغمبر رحمت زهرا
سائله بذل ائلین پیرهنین رغبتله
مظهر جودو کرم کان سخا وت زهرا
حاتم طائی ده حیرتده قالار چیخسا یقین
آسیتینوندن اگر دست کرامت زهرا
اگر اولسیدی پیمبر بیری عورتلردن
سنیدون دهریده پیغمبر امت زهرا
آیه ی وعتصموده ائلیور قرآندا
رشته معجره بلکه اشارت زهرا
هل اتی سوره سی اولمیدی اگرچه نازل
سوره کوثرون ایلردی کفایت زهرا
سنی آلله اوزی تعریف ائلیور من نه یازیم
چکورم آنداولا مولایه خجالت زهرا
سن رضا اولماسون عالمده اگر هر کسدن
وئرمز آلله اونا محشرده رضایت زهرا
بویورار ختم رسالت سنه محشرده خانیم
امتی سن گل ائله عازم جنت زهرا
بیر بئله جاه و جلال و عظمت سندیدی
قدروی بیلمدی حیف اهل شقاوت زهرا
چرخی سینسین فلک کچ روشین بیر سنیدون
بو فنا دهریده طاهادن امانت زهرا
شل اولیدی یوزووه سیلی وئران وقته الی
قویمادی ثانی جانی سنه حرمت زهرا
آناسیزیدون اگر چه ولی ایستکلی آتون
مرتضایه سنی وئرمیشدی سلامت زهرا
نه قابیرقون نه قولون سینمیشیدی یثربده
نه سنونده واریدی کاری جراحت زهرا
هاردا زحمتله دوتاردون گجه بیر الی قنوت ؟
دل محرابیده سن وقت عبادت زهرا
ای قیامت گونی اوتدان قوتاران مخلوقی
قاپی دالیندا سنه قوپدی قیامت زهرا
- دوشنبه
- 8
- بهمن
- 1397
- ساعت
- 20:4
- نوشته شده توسط
- ابوالفضل عابدی پور
- شاعر:
-
حاج روح الله رمضانی
ارسال دیدگاه