بیزدن گل گلزار طاهایه سلام اولسون
معصومه و مظلومه زهرایه سلام اولسون
واگیر:
زهرا جوان ئولدی بقیة الله
یا مهدی یا مهدی آجرک الله
جان وئردی جوان زهرا تنهای زمان زهرا
مین سوزیله معناده طاها دیدی جان زهرا
شاه عرب آغلاردی سسلردی اویان زهرا
نالان باشی اوستونده مولایه سلام اولسون
گون باتدی چراغ یاندی آی گئتدی پسِ ابره
غم حاکم اسلامی محکوم ایلدی صبره
زهرانی علی گتدی تاپشوردی گئجه قبره
گیزلین ویریلن غسلی اعضایه سلام اولسون
بلبل لر ایدر ناله گل قالسا تکانلیقدا
سولدی گل پیغمبر ظلمیله جوانلیقدا
بطحاده قالوب قبری الآندا قرانلیقدا
ظلمتده باتان ماه تقوایه سلام اولسون
گل هارداسان ای مهدی بو شیعه نی غم یوردی
زهرا غمی دنیانی افغانیله دولدوردی
گل گوزلریوه قربان گور کیم آناوی وردی
اشکیله دولان چشم شهلایه سلام اولسون
مولا دیدی وای زهرا گیتدون هارا آی زهرا
چوللرده علی سسلر هجرونده هرای زهرا
ایستکلی بالالارون گولمز یوزی دای زهرا
سیننده اولان راز و سودایه سلام اولسون
- چهارشنبه
- 10
- بهمن
- 1397
- ساعت
- 10:14
- نوشته شده توسط
- ابوالفضل عابدی پور
- شاعر:
-
ولی الله کلامی زنجانی
ارسال دیدگاه