الا بدرالدّجی - شیرخدا - یا شاه مردان
وصیّ مصطفی - میر هُدی - مصداق ایمان
جمالون معنی آیات والشّمس و الضّحی دور
اولور زهرا سنه باخدوقجا محو نور ایمان
سینوب قلبیم بلورسن
صفاسین ویر عم‌اوغلی
مریض عشقیوین گل
شفاسین ویر عم‌اوغلی
وقاریم علی - نگاریم علی - منیم روح و روانیم
قراریم علی - شعاریم علی - اولان آرام جانیم
یا علی جان (3)
بو سرّه سن اوزون واقف‌سن ای لفظ فضیلت
سنه من عاشقم ای شمس تابان امامت
قسم جان حسین و زینبه زهرا گوزونده
قیاس اولماز ایکی دنیائیله عشق ولایت
ولایت‌سیز علی جان
قبول اولماز نمازیم
ولایت‌سیزده حتی
بهشته یوخ نیازیم
ایدر فاطمه _هرآن زمزمه - منیم سن‌سن امامیم
بهشتیم علی، سرشتیم علی، بودور دلده کلامیم
یتور هجران اگرچه بسته قید فراقم
سنه دلدن بلورسن ذرّه کم اولماز علاقم
داخی دیداریمیز قالسین عم‌اوغلی روز حشره
بوگون جنّتده ختم الانبیایه من قوناقم
بو سن بو درد هجران
خداحافظ علی جان
تلاوت ایله قرآن
خداحافظ علی‌جان
بوگون فاطمه - سنی چوخ غمه - سالوب یاندوردی گیتدی
سولان گوللرین - او بلبل‌لرین - سنه تاپشوردی گیتدی
- شنبه
- 4
- اردیبهشت
- 1400
- ساعت
- 17:5
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه