• پنج شنبه 9 فروردین 03


پندیات گریز به شهادت حضرت زهرا (س) -(باغلاما ای دل سرگشته عنایت قاپی سین)

747
1

باغلاما ای دل سرگشته عنایت قاپی سین
باغلا عالم یوزونه بُخل و حسادت قاپی سین

دوز یولا دعوت ائله جاهل و کج رفتاری
باغلا تدبیرکمال اوسته جهالت قاپی سین

باخما بیر کیمسیَه کی نیّت خام اوستونده
باغلیور گول یوزونه جود و کرامت قاپی سین

آللانیب نفس بدانجامه کما فی السابق
قفل زنجیره چکور عدل و عدالت قاپی سین

شعله ور ائتماق ایچون آتش استکباری
یاندیریر ریب و ریا اوسته ضلالت قاپی سین

درس آلیر کینه ور اهریمن بدمنظردن
گونده مین رنگه سالیر فتنه و حیلت قاپی سین

بزم عرفان و شرافتده کی هنگامه سالیر
باغلاسین نیّت شوم اوسته شرافت قاپی سین

خلقی آللاتماق ایچون شال عزا چیگنینده
ایلیور قبلۀ حاجاتی سیادت قاپی سین

شاه محشردن اوتانمیر گئجه گوندوز چالشیر
اهل عالم یوزونه باغلیا طاعت قاپی سین

شهریار شرفین آند اولا روحیّه سینه
کینه ور باغلیا بیلمز بوعمارت قاپی سین

بش گون عالمده اولار صاحب قدرت سوز یوخ
یاندیرار آتش ظلمیله رسالت قاپی سین

آند اولا قدرت و ایمان ولی اللهه
یاندیروب بخل و حسد شاه ولایت قاپی سین

یوخسا کیم جرأت ائدردی اولا همچون ثانی
یاندیرا آتش بلواسی هدایت قاپی سین

سوز نئجه پرده لی قالسین کی جفاکانی عمر
یاندیروب نیّت منحوسی امامت قاپی سین

قانه غلطان کی اولوب کوثرقرآن زهرا
قویمیوب باغلیّا اهریمن عبادت قاپی سین

قانی آخدوقجا یره بضعۀ طاها بویوروب
حفظ ائدر فاطمه نین قانی هدایت قاپی سین

سقط اولوب محسن شش ماهه سی زهرای بتول
ساخلیوب گون کیمی تابنده شهادت قاپی سین

(مژده یم)طعنه ویرانلار  بئله آگاه اولسون
باغلارام قدرت حقّیله شماتت قاپی سین

  • جمعه
  • 12
  • بهمن
  • 1397
  • ساعت
  • 15:14
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران