هیچ گلی من کیمی سارالماز
درد و غمدن بو حاله قالماز
ویروبلار اود قاپوم یاناندان
یارالیم یارام ساغالماز
بو غملرون صبریمی الدن آلوری
یارا لاریم سینمی درده سالوری
عاری دور فکر هرهوسدن
دوشموشم یا علی نفسدن
گل اوخی باشیم اوسته قرآن
روحوم ایستوراوچا قفسدن
تاپاممادیم دردیمه درمان اولورم
فراقه دوز اولما پریشان اولورم
دوزدوم هرمحنت و بلایه
عم اوغلی من ایتمدیم گلایه
محسونوم سقط اولان زماندا
سسلدیم فضه نی هرایه
همان زمان اشکیمی مرجانه دونوب
همان زمان سینه ده سود قانه دونوب
گل محبّت درنمدیم من
محسنه سود ویرنمدیم من
دورت بالا دنیادا بویوتدوم
طویلارینی گورنمدیم من
فراقه دوز آغلاما آغلارگیدیرم
مزاره من سینه ده اسرار گیدیرم
بو جاندا باقی بیر نفسدی
اون سگز ایل بتوله بسدی
هر محنته دوزدوم دایاندیم
آراممی شماتت کسدی
محبتون یا علی پایانه یتور
مزاریمه دورت بالامی تزتزگتور
- سه شنبه
- 16
- بهمن
- 1397
- ساعت
- 19:9
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه