اماندی ایلمه فغان
وفالی زینب آغلاما
علینی ائتمه باغریقان
بلالی زینب آغلاما
بو جهانی ترک ائدورم قیزیم
آناوا قوناق گئدورم قیزیم
گئدورصبریم سن قیزیم فریاده گلنده
آخوراشگیم گوزلرون گؤزیاشی توکنده
ئولور حیدر گوزلری اما ایندی سنده
سنی آغلارگؤرماقاطاقت یوخدی منده
آماندی صبرایله زینب
یتوبدی جان دوداقیمه
بلاچکن علی ئولور
مدینه ده قیامتین
گونون گؤرن علی ئولور
هله ده اؤ غمده یانورعلی
سؤزی دوشجاقین اوتانورعلی
ائدر نوحه کوفه ده ائللررهبرئولدی
باشیندان دگدی یاراشیرداورئولدی
بیلورسن اماهاچان شاه خیبرئولدی
دگنده ناموسینه سیلی حیدرئولدی
آماندی صبرایله زینب
بوکوفه شهرفتنه دی
جماعتینده یوخ وفا
علینون اهل بیتینه
ائدَلَّه دائماً جفا
ویرار اودجهانه مصیبتون
منه چوخ چتیندی اسارتون
عناداوسته کربلادشتینده دوراللار
حسین داغینده یانان قلبون یاندیراللار
وقارون قیداسارتله سیندیراللار
ابوالفضل اولمازباشیندان قمچی ویراللار
آماندی صبرایله زینب
صبوراول ای علی قیزی
بلالره دؤزهرزمان
سنی بوگویلوم ایستیور
گؤرم همیشه قهرمان
باشون اگمه کینه لی دشمنه
آتون افتخارائله سین سنه
جهان بیلسون دهریده غم پروردی زینب
حسینون عشقینده شوریده سردی زینب
شهید حقّه وفالی یاوردی زینب
باش اگمز اغیاره بنت الحیدردی زینب
آماندی صبرایله زینب
- یکشنبه
- 21
- بهمن
- 1397
- ساعت
- 10:35
- نوشته شده توسط
- ابوالفضل عابدی پور
- شاعر:
-
علیرضا حضرتی (ناعمی)
ارسال دیدگاه