اشعار ترکی امیرالمومنین علی(ع)

فارسی

چرا امشب از سرای علی بانگ زمزمه و ناله می آید
فتاد از پا باغبان حرم بر جبین گلشن ژاله می آید
شده هنگام عزا امشب علی افتاده زپا امشب
یارسول الله - یارسول الله

حسن بر لب بانگ وا ابتا غرق آه و نوا نوحه گر گشته
حسین از جان آمده به فغان بی قرار و توان دیده تر گشته
زند بر سر شیعیان علی کودکان علی بی پدر گشته
زدلها خیزد نوا امشب علی افتاده ز پا امشب
یارسول الله - یارسول الله

ولی الله حامی ضعفا یار اهل وفا بر زمین افتاد
به طوفانی در نماز سحر ناگهان به خطر فلک دین افتاد
تو گویی آن ضربتی از صدر زین افتاد
شده حاجاتش روا امشب علی افتاده ز پا امشب
یارسول الله - یارسول الله

زده دشمن در دیار بلا تیغ ظلم و جفا بر سر مولا
زطغیان ابن ملجم دون گشته غرقه به خون پیکر مولا
مصیبت بنگر نشسته غمین جبرییل امین در بر مولا
سیه پوشیده سما امشب علی افتاذه ز پا امشب
یارسول الله - یارسول الله

ترکی

ایدور ناله نُه سما بو گجه مرتضی بو گجه قانه غلطاندی
حسین سسلور وای بابا بو گجه مجتبی بو گجه دیده گریاندی
پریشان زینب گیور قاره علینون باشینده وار یاره
یارسول الله - یارسول الله

سپهر غمده باتور مه دین آیریلور شه دین اقرباسندن
علی حسرتله حسینه باخور قطره قطره آخور قان یاراسندن
باخور حسرتله همان گوزوله دویمیوبدی هله ئوز بالاسندن
دم هجراندی ندور چاره علینون باشنده وار یاره
یارسول الله - یارسول الله

بویاندی القانه میر هدا خانمان وفا تارمار اولدی
دوتوب افلاکی بو فملی ندا قلب اهل صفا بیقرار اولدی
یتیمان کوفه نین آتاسی اُمّتین آتاسی رستگار اولدی
چاتوب مولا اوج ایثاره علینون باشنده وار یاره
یارسول الله - یارسول الله

چالندی گوگلرده زنگ خطر چاتدی غملی خبر گوش احبابه
نماز اوسته سندی رکن شرف دوشدی شاه نجف قانلی محرابه
گیوب زهرا بو عزاده قرا دَگدی تازه یارا قلب بی تابه
اَلین قویدی زخم مسماره علینون باشینده وار یاره
یارسول الله - یارسول الله

• شنبه
• 30
• مرداد
• 1400
• ساعت
• 23:13
• نوشته شده توسط
• یوسف اکبری

قانه باتوب شیرخدا الهی الهی
زینب ائدور آه و نوا الهی الهی

باش یاریلیوب قانی یره سوزولدی
مسجده مرجان مَثَلی دوزولدی
حیدر الیندن الیمیز اوزولدی
گیدی قرا ارض و سما الهی الهی

کوچه لری هر گجه سِیر ائدردی
هم آتاسیزلار ائوینه گئدردی
نان و غذاسین اولارا وئرردی
ایندی یاتوب باشدا یارا الهی الهی

هرآتاسیز باشینه ال چکردی
اشک بَصر گُل یوزونه توکردی
برگ خزان دیده کیمی اَسَردی
سسلر اونی شاه و گدا الهی الهی

کوفه ده القانه باتوب یارالی
بستر مرگ ایچره یاتوب یارالی
مقصد و مقصوده چاتوب یارالی
جان یتیشوبدور دوداقا الهی الهی

فانیدی دنیا دئدیگون یالاندی
شیعه لرین قلبی غمه نشاندی
سینه ده مین٬ محنت وغم نهاندی
شیعیه صبر ایله عطا الهی الهی

(فیضی) گلنده وطنه نَجَفدن
طبعی تاپوپ شور و صفا شَعَفدن
یازدی غمِ پادشهِ شَرَفدن
شعرینه وئر اجر و بَها الهی الهی

• پنج شنبه
• 5
• فروردین
• 1400
• ساعت
• 16:23
• نوشته شده توسط
• یوسف اکبری

اماندی ایلمه فغان
وفالی زینب آغلاما
علینی ائتمه باغریقان
بلالی زینب آغلاما

بو جهانی ترک ائدورم قیزیم
آناوا قوناق گئدورم قیزیم

گئدورصبریم سن قیزیم فریاده گلنده
آخوراشگیم گوزلرون گؤزیاشی توکنده
ئولور حیدر گوزلری اما ایندی سنده
سنی آغلارگؤرماقاطاقت یوخدی منده

آماندی صبرایله زینب

یتوبدی جان دوداقیمه
بلاچکن علی ئولور
مدینه ده قیامتین
گونون گؤرن علی ئولور

هله ده اؤ غمده یانورعلی
سؤزی دوشجاقین اوتانورعلی

ائدر نوحه کوفه ده ائللررهبرئولدی
باشیندان دگدی یاراشیرداورئولدی
بیلورسن اماهاچان شاه خیبرئولدی
دگنده ناموسینه سیلی حیدرئولدی

آماندی صبرایله زینب

بوکوفه شهرفتنه دی
جماعتینده یوخ وفا
علینون اهل

• یکشنبه
• 21
• بهمن
• 1397
• ساعت
• 10:35
• نوشته شده توسط
• ابوالفضل عابدی پور

عالم اولوب غرق عزا علیجان-علیجان
شیعه ایدور شور و نوا علیجان-علیجان

نار فراقینده یانور ئورکلر-ئورکلر
ناله و افغان ایلیور ملکلر-ملکلر
عدنیده باشینی آچوب پیمبر-پیمبر
اولمادی دردیوه دوا علیجان-علیجان

اشگینی زینب الیور عذاره –عذاره
گیتدی باباسی یارالی مزاره –مزاره
لعنت اولا دشمن کین شعاره –شعاره
ویردیلا باشیوه یارا علیجان-علیجان

دین و نماز اوسته علی ویروب جان-ویروب جان
کوفه ده ناله ایلیور یتیمان-یتیمان
زینب و کلثوم و حسین پریشان-پریشان
سالدی حسن شال عزا علیجان –علیجان

مظلوم آقا فاضل آقا جان آقا-جان آقا
عشقیوه ایمانیوه قربان آقا –جان آقا
شیعه لرون قلبی اولوب قان آقا-جان آقا
اولموشوق آماج بلا عل

• سه شنبه
• 4
• تیر
• 1398
• ساعت
• 09:37
• نوشته شده توسط
• ابوالفضل عابدی پور

شَق القَمَر آثار قیامت دور اِلهی
یا زِینبه مَحشردن علامت دور اِلهی

سس دوشدی که مِحرابیده بیر باش یارالاندی
بو سس اوجالان وقته یاتان لاردا اویاندی
ایوای علی وای ناله سی اَفلاکه دایاندی
نه حادثه دور بو نه حکایت دور اِلهی

ضَربت یتوشوب بارچالانوب باشدا عَمامه
بو نَحویله اوز مَقصدینه یتدی قُطامه
بیر اَمر زِنا اولدی سبب قَتل اِمامه
بلمم بو نه اسلام و دیانت دور اِلهی

بیر خواهش نَفسیله یخوب خانه دینی
غمگین ایلدی اَهل سَماوات و زَمینی
حتماً یوخوموش عاقبت اَمره یَقینی
یُوخسا بو نه جُرئت نه جِسارتدور الهی

هر کیمسه یَقین ایلیه قُرآن و کتابی
خیرین بیله وار خوش ثَمری شَرین عَذابی
ممکن دگی یاددان چیخادا یوم حِسابی
غُفرانه سَبب بیله اِطاعت دور اِلهی

بسکه واریدی وصَلت دلداره شِتابی
یاددان چیخادوب یاره دکی سوز و عَذابی
گوتدی باشینین یاره سینه باسدی تُرابی
یعنی دیریلق بوندان عِبارت دور اِلهی

فرمان یتوشوب عَرشیده جِبریل اَمینه
گیت بو خبری نَشر ایله سُکان زَمینه
صَدمه یتوب اَرکان هُدا مرکز دینه
بو ظلمت او ضربتدن اِشارت دور اِلهی

اَفلاکه دوشوب لرزه هَمان بو خبریله
ای صورتی مَستوریدی ابر خَطریله
ظلمت دوتوب آفاقی بو شَق القَمَریله
چون مُنهدم ارکان هدایت دور اِلهی

سس چَرخ چهارمده مَسیحایه یتوشدی
مُحنت اَثَری قبریده زَهرایه یتوشدی
ناگه بو خبر زِینب کبرایه یتوشدی
اولدی متوحش نه روایت دور اِلهی

یارَب نه خبر دور بو نه فریاد و فَغاندی
نه سوزدی دیولر که علی قانه بویاندی
زینب بلوسن اوز باباسیندان نگراندی
بلمور که نولوب یا که سلامت دور اِلهی

ناگه گوزینه اولدی او ساعتده نَمایان
گوردی گتورولر آتاسین قانینه اَلوان
عرض ایتدی بو مُحنت منی چوخ ایتدی پریشان
هر چند مُصیبت بیزه عادت دور اِلهی

صَدمه یتوشوب گرچه آتام شیر خدایه
یوخ چاره گرک صَبر ایلیم اَمر قَضایه
من آغلاماقی ساخلاموشام کرب بلایه
گوز یاشینه زیبنده او ساعت دور اِلهی

اوندا که گیچر قارداسیمین باشی جدایه
غم یوز ویرر اولاد علی آل عَبایه
گلوخ هامی بیر شیونیله شُور و نوایه
گوروخ که حسین خیمه سی غارت دور اِلهی

بو سوزده ایکی سِیّد حسین ایلدی شرکت
ایستوردی (ریاضی) و (رَجائی) ایده خدمت
بو خِیر عَمله ویردیله با هم سَر و صورت
منظور شِفاعت دی زیارت دور اِلهی

• پنج شنبه
• 11
• شهریور
• 1400
• ساعت
• 14:37
• نوشته شده توسط
• یوسف اکبری

ملك عزت مسندينده سن مجلل پادشاه
شانيوه لايق حريم عرش اعلا بارگاه
موكب اجلاليوه روح و ملايك دور سپاه
آيه « نصر من الله » ، نقش پرچم يا علي

سن او سلطان موؤيد سن كه ارواح و ملك
حضرتنده خاشع و خاضع اولاللار تك به تك
علت ايجاد عالم سن كه افلاك و سمك
پايه اجلاليوه برهان محكم ياعلي

اي وجودون علت غائي وجود عالمه
نفسيوي ائتدون فدا نفس رسول خاتمه
علم الاسماني تعليم ايلدون سن آدمه
آدم اولدي در حقيقت سنله آدم ياعلي

اي جلالون آيت جل و جلال ذوالجلال
يوخدي خلقتده سنه شان وشرفده بير مثال
پی آپارماز سر كنه ذاتيوه وهم و خيال
چون آديندامستتردور اسم اعظم يا علي

سن جلال و مرتبتده بير بشر دنياده يوخ
سهل دوردنيا نظيرون عالم اعلاده يوخ
بومام و شان و شوكت حضرت عيساده يوخ
رشگائدر بو عز ته « عيسي ابن مريم» ياعلي

يا ولي الله اعظم، شهريار ماسوا
پيشواي ماخلق ، اوصاف ذات كبريا
انس و جنه مقتدا ، سر حلقه اهل ولا
حامل اسرار حق هر علمه اعلم يا علي

جنگخندقده عجب كسب كمالات ايلدون
همت وايثاريوي عالمده اثبات ايلدون
رحمت اللعالمين حقين مراعات ايلدون
هرزمان اولدون رسول اللهه همدم يا علي‌

احسن اي درياي رحمت،علم و حلم و فضليوه
ائتمدي اهل ستم تاب وتحمل عدليوه
باغلادي محكم كمر جور و جفادن قتليوه
عدلين اولدي باعث قتلون مسلم يا علي

مست مستم عفوقيل اي ساقي بزم الست
بادهة عشقون ائدوب شب خيزي رند مي پرست
گر خطا ائتسم گذشت ائت اولموشام مجنون مست
من گدايم سن ولي شاه معظم يا علي

• شنبه
• 3
• مهر
• 1400
• ساعت
• 19:42
• نوشته شده توسط
• یوسف اکبری

شاه علی،ماه علی،حجتِ‌آلله علی
آه علی،راه علی،سیراِلَی‌الله علی
نورعلی،شورعلی،دولت منصورعلی
هورعلی،زورعلی،صاحب درگاه علی
پیرعلی،میرعلی،صاحب شمشیرعلی
منشاءتدبیرعلی،هم اسدالله علی

منزلت‌ومنقبتی لوح قدرده یازیلیب
خلقته‌تاجِ‌سراولوب گول آدی سرده یازیلیب
شکل بشرده دوغولوب،کیف بشرده یازیلیب
روز ازل‌دن لقبی عالم ذرده یازیلیب
خلقت آرا تاپدی گؤزل مرتبه و جاه علی

ناطق قرآن‌دی علی،عالمه سلطان‌دی علی
سرورخوبان‌دی علی،هیکل ایمان‌دی علی
فاتح میدان‌دی علی،منبع احسان‌دی علی
آیه و برهان‌دی علی،معنی فرقان‌دی علی
لطفینی ارزانی ائدر،سسله‌سن هرگاه علی

• چهارشنبه
• 7
• مهر
• 1400
• ساعت
• 22:02
• نوشته شده توسط
• یوسف اکبری

مرحمت عظمادی علی
مرتبتی والادی علی
.
گول آدی زینت اولونوب هر دو جهانه
ذكر علی ویردی تسلی دل و جانه
.
ای شاه ولایت
ای نور امامت
.
چك الیوی باشیمه ای بارش رحمت
كسمه نظر مندن آقا ای گل خلقت
.
یا علی مولا علی مولا علی مولا ...
.
.
.
.
ای كرمی گون مثلی عیان
ای فقرانین گویلون آلان
.
ای یوزی بخشندگی خالقه مرآت
عالمیانه آدی شمع ره و مشكات
.
مصداق شرف سن
اسباب شعف سن
.
گوهر نایاب ولایتده صدف سن
بسدی بو شانینده آقا شاه نجف سن
.
یا علی مولا علی مولا علی مولا ...
.
.
.
.
حشره كیمین یاتماز علمین
وصفه سایا گلمز كرمین
.
عزتین اغنی ایلیر اهل نیازی
صولتون رسوا ایلیر اهل مجازی
.
ای ناطق قرآن
ای مظهر ایمان
.
سر

• پنج شنبه
• 24
• مرداد
• 1398
• ساعت
• 13:44
• نوشته شده توسط
• ابوالفضل عابدی پور

شاکرم خالق سبحانه علی شیعه سی ام
عاشقم عترت و قرآنه علی شیعه سی ام
.
من ولایت باغنین بلبلی ام صبح و مساء
گئتمرم اوزگه گولوستانه علی شیعه سی ام
.
آناما قوربان اولوم شیعه بئجردوبدی منی
چاتارام قلّه ایمانه علی شیعه سی ام
.
ساقی کوثر الیندن ایچرم باده ی عشق
دییرم سرخوش و مستانه علی شیعه سی ام
.
عالم ذرّیده عهد ایلموشم عاشق اولام
باغلیام دیلدن او پیمانه علی شیعه سی ام
.
هل أتی سوره سینون شأن نزولین بیلورم
آند اولا سوره ی رحمانه علی شیعه سی ام
.
نجف الاشرفین ای دل بیر اووج توپراقنی
وئرمرم ملک سلیمانه علی شیعه سی ام
.
یانموشام شعله ی شمع غمه پروانه کیمی
یانمارام آتش نیرانه علی شیعه سی ام
.
وار حدیث ن

• دوشنبه
• 28
• مرداد
• 1398
• ساعت
• 15:16
• نوشته شده توسط
• ابوالفضل عابدی پور

آنا غذا رسان شب شفق قرالدی گلمدی
او هر گجه گلن عرب شفق قرالدی گلمدی

کیمیدی هرگجه گلوب بیزه ویرردی نان شب
ئوزی ییردی دوز چورک ویرردی بیزلره رطب
گولونجه دیندیرردی هی منی او مرد با ادب
ویرردی قلبیمه طرب شفق قرالدی گلمدی

گورنده غصه لنمیشم سیزیلدورام حزین حزین
آلوب قوجاقه لطفلن چکردی باشیمه الین
هزار حیف آدین ولی سوروشمادوق او سرورین
گورک کیمیدی اول عرب شفق قرالدی گلمدی

• جمعه
• 5
• دی
• 1399
• ساعت
• 23:48
• نوشته شده توسط
• یوسف اکبری

آچ گوزون ای ناطق قران بابا
من، سولان رخساریوه قربان بابا
آچ گوزون بیر باخ منه
زینبون قربان سنه

آی بابا سینونده قالدی سوزلرون
دردیله گچدی گجه گوندوزلرون
گوزلرون قربانیم آچ گوزلرون
بیر باخش ایله منه احسان بابا
آچ گوزون بیر باخ منه
زینبون قربان سنه

بو نه ضربتدی وروبلار باشوه
یاره آلنوندان انوبدی قاشوه
باشوین قانین قاتوب گوزیاشوه
آغ محاسن قانیله الوان بابا
آچ گوزون بیر باخ منه
زینبون قربان سنه

زینبم هجرونده سینه داغلارام
یانه یانه اوخشارام هم آغلارام
باش یاراوی ساچلاریملا باغلارام
باشون اوسته باشلارام افغان بابا
آچ گوزون بیر باخ منه
زینبون قربان سنه

من سنون باشون یاراسین باغلیرام
حسرتیله باغلادیقجا آغلیرام
حالوه باخدوقجا سینه داغلیرام
سنده ايت بو خدمته جبران بابا
آچ گوزون بیر باخ منه
زینبون قربان سنه

اوندا کی اولاٌم اسیر کوفیان
قولاٌریم باغلی غریب و ناتوان
محملیمدن باشیمون قانی روان
کوفیه گل زینبه مهمان بابا
آچ گوزون بیر باخ منه
زینبون قربان سنه

اوندا که ايتدی عدو کشف حجاب
ووردولار قولاٌریما بند طناب
الده معجر ،کوفیه ایله شتاب
قویما غربتده قالام حیران بابا
آچ گوزون بیر باخ منه
زینبون قربان سنه

• یکشنبه
• 9
• خرداد
• 1400
• ساعت
• 18:22
• نوشته شده توسط
• یوسف اکبری

بو گون سرور مردان نماز اوسته یخلدی
قلجلاندی باشیندان نمازاوسته یخلدی

سینوب پایۀ ایمان یخلدی شه ابرار
دولوب قانیله محراب اولوب عارضی گلنار
گلوب نالیه جبریل ایدر عالمه اخطار
دییر صاحب ایمان نمازاوسته یخلدی

بوگون باد ستمدن علی گلشنی سولدی
سینوب فرق شریفی چو شق القمر اولدی
یتوب قاشینه شمشیر گوزی قانیله دولدی
اولوب قاننه غلطان نمازاوسته یخلدی

ایدوب ملجمین اوغلی بوگون ظلمده طغیان
ویروب بیر ایله یاره علی دوشدی ایاقدان
دوروب کسر نمازین قلا اولمادی امکان
قالوب طاعتی نقصان نماز اوسته یخلدی

گوروب زینب کبری اومظلومۀ دنیا
دییولر علی الدی دوتوب کوفنی غوغا
گوروب تا حسنینی ایدوب مطلبی جویا
نه سوز دور آتامیزدان نمازاوسته یخلدی

او بیر آز یولی یولداش اولوبلار ایکی قارداش
سراسیمه حرمدن گلوب مسجده بیر باش
او احوالی گورنده آخاردی یوزه قانیاش
دولوب گوزلره آلقان نماز اوسته یخلدی

دیز اوسته باشین آلدی اوز اوغلی حسن آغلار
حسینین گوروب آغلار امام زمن آغلار
حسین و حسن آغلار اوخیبر شکن آغلار
قویان عالمی گریان نماز اوسته یخلدی

اوساعتکه عزیزان قیام ایتدی قیامت
حسین قانیله گوردی دولوب مصرع طاعت
وضو آلدی قانندان نماز ایتدی اقامت
قیام اولمادی امکان نماز اوسته یخلدی

سنان ابن انس تا یتوشدی او فکاره
بوغازین چوخوروندان وروب بیر ایله یاره
کسولدی سسی ذکرین دیینمزدی دوباره
حسین نحر اولوب عطشان نماز اوسته یخلدی

بیلور خالقی ایتدی نجه سجده وکرنوش
قالور ایسی قوم اوسته او اوچ ساعتی مدهوش
ایدوب جلوۀ جانان حسینی ایله خاموش
چخوب زینبی یاددان نماز اوسته یخلدی

بو گون(خادم) اگرچه الون بوشدور عملدن
نه صحت بدنون وار نه توفیق ازلدن
دییوب ذکرووی ویرمه علی دامنین الدن
بو گون سرور مردان نماز اوسته یخلدی

• شنبه
• 30
• مرداد
• 1400
• ساعت
• 23:21
• نوشته شده توسط
• یوسف اکبری

بو گئجه مهماندی شیر لَم یَزل اطفالینه
نازنین قلبی یانار اما حسینین حالینه

چون اوزی آگاهدی وار دور باشیندا نه بَلا
درد هجران عِترتین ایلر بَلایه مُبتلا
دردینه عالم طبیب اولسا ائده بولمز دوا
اهل کین نائل اولار ظاهرده شُوم آمالینه

گه باخوب آغلار حسینه حُجت جان آفرین
وار باشیندا نه بلا آگاهیدی یع سوب دین
گه سالوب آغلاردی یاده ماجراسین زینب ین
گوزده وئرمیشدی اودی رُخصت سِرشگ آلینه

بیر حسینی که اونی نازیله بَسلردی مُدام
پرورش وئرمیش دی عَزتله اونا خیرالّانام
سو کنارینده سوسوز باشین کَسر قوم ظُلام
بذل ائدر انگشت یله انگشترین جمالینه

گه باخوب کلثومه آغلار شافع روز جِزا
نه چکر جور عدودن نور عِین مُجتبا
آزقالور سالسون آرایه آیریلیق دست قَضا
حَشرده آیت اولا بلقیس رو اطفالینه

بو گئجه وار دور کَواکب ده بیر اوزگه اِنقلاب
انجمن ایلوب نِجوم لامعه آغلار سَحاب
ایستوری باتسون سَپهر حقّده بو آفتاب
دوشسون عالم جُور و ظلمون ظلمت ابطالینه

اوخشار ایمدی دودمانی عرصه گاه مَحشره
کیم وئرور بولمم تسلی عترت پیغمبره
کیم طبابت ایلوری یا زَخم فَرق حِیدره
آغلار اهل ماسوا شاه نَجف احوالینه

ایمدی باخدوقجا یانور عباسه شاه لافتی
یا بالا گوردوقجا ضعف ایلور آتا ایلور نَوا
خانه زَنبوره بَنزر دودمان مُرتضا
عالم آغلار بیر جَفا کارین او بَد افعالینه

یانه یانه سُویلر ای نور دو عِینیم آغلاما
اولما راضی دلده آرتا شور شِین یم آغلاما
کربلایه ساخلا گوز یاشون حسینیم آغلاما
اوندا کی مغلوب اولارسان اُمتین جَهالینه

یوز دوتوب آغلار گوزیله زینب خونین دله
وئر حسین یله بویوردی کربلاده ال اله
زورق کفری عدم بحرینده غرق ایله گله
وئرحیات جاودان اسلامون اِستقلال ینه

آغلاما ساخلا بو گوز یاشین بلا صحرا سینه
غرق اولان گون آغلاسان آلام و غَم دریا سینه
لیک گوز یاشون وئرر دینون صَفا سیما سینه
چونکه سنسن عُمده باعث کُفرون اضمح لالینه

ای (شعاع) دنیاده خوش ساعت اوساعت دور که سن
واجبات دینووه اوّل ده اقدام ایله سن
آغلاسان بیرده حسینه آغلا یان تا زنده سن
بو گوزل نیتدی چیخ صدقیله استقبال ینه

• پنج شنبه
• 11
• شهریور
• 1400
• ساعت
• 14:33
• نوشته شده توسط
• یوسف اکبری

مؤمنلره سنسن آقا،مولا علی‌ مولا علی
گؤزل آدینا‌ جان‌ فدا،مولا علی‌ مولا علی
سنسن‌ بوتون‌ درده دوا،مولا علی‌ مولا علی
شاهنشهه‌ مشکل‌ گشا،مولا علی‌ مولا علی
مولا علی،مولا علی،مولا علی،مولا علی

آدین‌ اولوب‌دی اَزبریم،دار و نداریمسان‌ علی
هر ایکی‌ دنیا رهبریم،سن‌ منیم‌ یاریمسان‌ علی
سنه‌ قربان‌ اولسون‌ جانیم،دولتیم‌ واریمسان‌ علی
ای‌ حجت و شیر خدا،سن‌ افتخاریمسان‌ علی
ای‌ سؤزلری‌ زیبا علی،مولا علی‌ مولا علی

قربان‌ سنده‌کی‌ کَرَمه،لطف‌ ائله«قیزیل‌قلمه»
قؤیما باتا درد و غمه،غرق‌ اولا غُصّه اَلَمه
مایل‌ اولماز‌ جام‌جمه،عاشق‌دی‌‌ صاحب‌ کرمه
صبر ائدیب‌دی بیش و کَمه،گؤزتیکیب‌ شاهِ اُمَمه
مطلبینی ائیله روا،مولا علی‌ مولا علی

• چهارشنبه
• 7
• مهر
• 1400
• ساعت
• 21:54
• نوشته شده توسط
• یوسف اکبری

امیر المومنین ای حجت حق شاه مردان
اولا جان دو عالم سن کیمی مولایه قربان
حبیب دلرباسن - عزیز مصطفاسن
پناه اهل عالم - علی مشگل گشاسن
شعاریم علی - نگاریم علی
هامی درده دواسن

قویوب درگاهیوه یوز جمله انسان و فرشته
قسیم النار و الجنة محک سن خوب وزشته
سنی کیم تاپسا مولا یول تاپار باغ و بهشته
ائدرسن بیر نگاهیله هامی موری سلیمان
حبیب دلرباسن - عزیز مصطفاسن
پناه اهل عالم - علی مشگل گشاسن
شعاریم علی - نگاریم علی
هامی درده دواسن

آقا قربانون اولام بو دل سوزان سنوندی
کیچیک سربازیوم من باش سنوندی جان سنوندی
ولی اللهسن سن عالم امکان سنوندی
وئربدی اختیاراتی سنه خلاق سبحان
حبیب دلرباسن - عزیز مصطفاسن
پناه اهل

• جمعه
• 3
• اسفند
• 1397
• ساعت
• 15:06
• نوشته شده توسط
• ابوالفضل عابدی پور

بحر غمدن گله دوشسم دئیرم یاحیدر
موجیدن ساحله دوشسم دئیرم یاحیدر

آقاما قربان اولوم گوزلرینه مشتریم
باخسادا نوکریم باخماسادا نوکریم

من فقط بیر ورق بی رمقم جاندی علی
من گدای در عشقم ولی سلطاندی علی
من همان مور ضعیفم که سلیماندی علی
او یامان گونده الیمدن دوتاجاق حیدریم
دوتسادا نوکریم دوتماسادا نوکریم

حافظ دولت اکرامیدی مولامیز علی
ناشر مکتب اسلامیدی مولامیز علی
شیعیه یار دل آرامیدی مولامیز علی
ساتورام جانیمی جانانیمه سوداگریم
آلسادا نوکریم آلماسادا نوکریم

سیخیل ای دل او ولایت گولونون سایه سینه
باخ کرامت باغینون جلوه و پیرایه سینه
سرو طوبای جنان چاتماز اونون پایه سینه
گولسه بیر یول یوزونه فخر ا

• یکشنبه
• 26
• اسفند
• 1397
• ساعت
• 13:52
• نوشته شده توسط
• ابوالفضل عابدی پور

سنی درد اهلی دمادم چاغیرور داده علی
سنی زهرایه قسم گل ئوزون امداده علی

ای یارالی سلطانیم
قاخدی گویه افغانیم
رحم ائله باخ نوکرووه
آدووه قربان جانیم

جان آقام /سنه قربان آقام/ای شه مردان آقام

شیعه سن قورخما دئنن تکیه کلامیمدی علی
کوری دشمن حیدر کی امامیمدی علی

عالمون سن رهبری سن
حاتمون سن سروری سن
سن خدا گر چه دیوسن
ولی الله بنذری سن

جان آقام /سنه قربان آقام/ای شه مردان آقام

رحم ائله عالمون ای باشی یارالی آقاسی
آغلادار حشره کیمی عالمی باشون یاراسی

یوخ آقا اِلا ، حیدر
یِر گویه مولا حیدر
صبح و مسا شیعه لرون
سسلیه جک یا حیدر

جان آقام /سنه قربان آقام/ای شه مردان آقام

آدوون عاشقیووک ای شهِ شا

• سه شنبه
• 4
• تیر
• 1398
• ساعت
• 12:01
• نوشته شده توسط
• ابوالفضل عابدی پور

یا علی مرحبا عشقیوه ایمانیوه

جان عالم فدادی توکولن قانیوه

قورولوبدی عزا قاره گیوب اهل دین

گلمیشوق آهیلن شام غریبانیوه

رهبر شیعیان

پادشاه جهان

مظلوم علی جان

مظلوم علی جان(2)

بویانوب قانینه سجده ده شیر خدا

اولمادی باشینون یاره سینه چون دوا

ایتدی زینب فغان سسلدی قارداشینی

دادیمه گل حسین یومدی گوزون مرتضی

اوخی قرآن حسین

من دیوم جان حسین

مظلوم علی جان

مظلوم علی جان(2)

ای شه لافتی منبع احسانیسن

یار مستضعفین حامی قرآنیسن

ابن ملجم ویروب باشیوه ضربت سنون

کوفه دوتدی غم آغلور حسین و حسن

اولدی محرابی قان

رهبر شیعیان

مظلوم علی جان

مظلوم علی جان(2)

بیت الاحزانیده حیدریدی تاج سر

حسنی

• چهارشنبه
• 5
• تیر
• 1398
• ساعت
• 09:41
• نوشته شده توسط
• ابوالفضل عابدی پور

ای شاه مظلومان علی
جانلار سنه قربان علی
.
مولا علی – مولا علی(2)
.
.
ای شهریار تک سوار
وی معدن عزّ و وقار
هر مشکلی آدون آچار
ای عزتی برپا علی
مولا علی – مولا علی(2)
.
.
ای شهرعلمه باب علی
وی باب علم ناب علی
ای شیعیه ارباب علی
کیمدی بیزه آقا علی
مولا علی – مولا علی(2)
.
.
شیعه قاپوندا بنده دی
کیم شیعه دی پاینده دی
چونکی سنون ساینده دی
ای عزّتی دریا علی
مولا علی – مولا علی(2)
.
.
سرخطّ منهاجیم علی
عنقای معراجیم علی
باشیمده کی تاجیم علی
قاف دله عنقا علی
مولا علی – مولا علی(2)
.
.
ماه ملک منظر علی
دلبند پیغمبر علی
سرور علی رهبرعلی
ای شیعیه آقا علی
مولا علی – مولا علی(2)
.
.
مخمور جام عشقیوم
من صید

• شنبه
• 5
• مرداد
• 1398
• ساعت
• 13:08
• نوشته شده توسط
• ابوالفضل عابدی پور

شمس الضحیٰ علی
بدرالدُجیٰ علی
کنز السَّخیٰ علی
مشکل گشا علی
درد آشنا علی
درده دوا علی
((یامرتضی علی -یامرتضی علی))
.
.
.
.
.
ای خلقته دلیل
وی شوکتی جلیل
نام آور و نبیل
تمثالی بی بدیل
تندیسی بس شکیل
وی طلعتی جمیل
طاهایه سویگولی -یامرتضی علی(٤)
.
.
.
.
.
حربین تهمتنی
رزمین یل افکنی
جنگین نریمنی
غیرتدی جوشنی
یوخ ذره توسنی
جنتدی مدفنی
عارفلره ولی -یا مرتضی علی(٤)
.
.
.
.
.
.
ای ارفع النفوس
ای جدّ شاه طوس
وی تختی آبنوس
تا ایله دین جلوس
دهر اولدی پایبوس
ای اظهر الشموس
احرارین اکملی- یامرتضی علی(٤)
.
.
.
.
.
ای شیعیه امیر
پیغمبره وزیر
گلمز سنه نظیر
جنگ آور دلیر
رخساری بس منیر
دل عشقیوه اسیر
حق سنده م

• یکشنبه
• 27
• مرداد
• 1398
• ساعت
• 12:19
• نوشته شده توسط
• ابوالفضل عابدی پور

آچ گوزلریوی بابا زینب اولا قربانون
دامانیمه گل مثلی باشدان توکولور قانون
ای سلطان عشقیم یاتما اماندی
باشوین اوسته زینب باغریقاندی

قلبیمدن آخان قانه گوزیاشلاریمی قاتما
نرگس کیمی گلشنده آچ گوزلریوی یاتما
سن بیل ننمون جانی دیندیر منی آغلاتما
قلبیم سخیلوب غمدن چوخ سختیدی هجرانون
ای سلطان عشقیم یاتما اماندی
باشوین اوسته زینب باغریقاندی

سینسون فلکین چرخی سچلارمی آغ هوردی
زهرا قیزینا دائم خوش گونلری چوخ گوردی
بیر سوز دانیش آی بابا عباس ئوزین ئولدوردی
جانیم اولا قربانی غیرتلی دی اصلانون
ای سلطان عشقیم یاتما اماندی
باشوین اوسته زینب باغریقاندی

محراب عبادتده ووردی سنی ناکس لر
قانه بویانان قلبیم زیبا آدیوی سسلر
دور گیت بابا ائولرده گوزلر سنی بی کسلر
الان سنی ایستوللر بیچاره یتیمانون
ای سلطان عشقیم یاتما اماندی
باشوین اوسته زینب باغریقاندی

یوم گوزلریوی دینجل یورقونسان اگر گیتمه
گل تک سارالوب رنگون ای نور بصر گیتمه
قویما منی ظلمتده خورشید سحر گیتمه
پیوسته اولوب قاندان مژگانویه مژگانون
ای سلطان عشقیم یاتما اماندی
باشوین اوسته زینب باغریقاندی

واضحدی کی قرآنه پیوسته سن آی بابا
دوزدور کی یتیمانه دلبسته سن آی بابا
یورقون جانوا قربان یات خسته سن آی بابا
گرچه بیلورم راضی اولماز بونا وجدانون
ای سلطان عشقیم یاتما اماندی
باشوین اوسته زینب باغریقاندی

• جمعه
• 26
• دی
• 1399
• ساعت
• 19:06
• نوشته شده توسط
• یوسف اکبری

سالوب عالمه شراره باشيمون ياراسي زينب
بئله آغلاما كي يوخدي يارامون دواسي زينب

دئمورم منيم غميمده دل عالميني داغلا
دئمورم آليش غميمده ياكي باشه قاره باغلا
يتيشوب تمامه عمروم ئولورم قيزيم آز آغلا
بالا گورسنور يوزومده ئولومون نماسي زينب

نه باجي واريمدي تاكي منه آغليا نه قارداش
هامي كودكان كوفه من ايچون توكوله گوزياش
باشيم اوسته ايندي زهرا گلوب آغلييدي ايكاش
باشيما دوشوبدي والله ننون هواسي زينب

باشيما دينده شمشير نفسيم اله داياندي
ياراما بوقدري باخما اورگيم آليشدي ياندي
گوزوون ياشين عُذاره بئله باغلاما اماندي
هله ساخلا ديده ياشين گوزوون فداسي زينب

هله فاطمه غمينده غم و محنته يانانسان
اورگون يانير وليكن منيلنده ناگرانسان
بولورم نقدري غصه گله زينبيم آلانسان
غمه صبراله بوصبرين اولاجاخ بهاسي زينب

بئله قويما نازنينيم اورگون محنده دولسون
شرر بلا گلنده صبريون بهاري سولسون
اله گون قاباخدا واردي گرك اوردا صبرون اولسون
غمه صبراله نقدري اولا گر بلاسي زينب

سفرون قاباخدا واردي كي او آخرين سفردي
اوسفر سنه عزيزيم بئله سانما دردي سردي
ئولاجاخ بوتون عزيزون ؛ ولي آخري ظفردي
گوره جاخسان اوردا عشقين ندي قان بهاسي زينب

گلرم او چولده زينب اورگون يانان زماندا
او چوخور يره حسينيم يخيلوب قاني آخاندا
ئوزي ايتيرمه زينب خنجره اليين آتاندا
قويما اينجيسون حسينون حلقيده ياراسي زينب

او چوخور يره عزيزيم باد غم اسنده گلم
شمر دون اوقانلي باشي ظلميله كسنده گلم
خنجر آتدا بي كس اوغلوم گل كيمي اسنده گلم
ديللره دوشوبدي چونكي قانلي كربلاسي زينب

• دوشنبه
• 13
• بهمن
• 1399
• ساعت
• 16:51
• نوشته شده توسط
• یوسف اکبری

ای منه روح وروان*ائتمه منی باغریقان
آچ گوزووی جان بابا*زینبه خاطراویان
آیریلیقایوخ دوزوم*قالدی اوره کده سوزوم
ابربهاران کیمی*یاش توکور
آغلارگوزوم
غمونده سینه می داغلورام
یارالی باشووه آغلورام
جان یارالی....

ظلمی عیان ائتدیلر*قلبیمی قان ائتدیلر
بویارالی گوگلومی*غرق فغان ائتدیلر
کوفه نه بحرانلیدی*صحنه سی طوفانلیدی
زیب مصلی،،نیه؟*سجده گهون قانلیدی
اسلامه بوقان عزت وئروب
محراب عشقه زینت وئروب
جان یارالی......

خوشدی ننم آغلاسون*سینه لری داغلاسون
باغ جناندائوزی*باش یارووی باغلاسون
قیدووه زهراقالار*باشینه قاره سالار
ائتسه دعا یاروون*فوری شفاسین آلار
جان ای باغلانمیان یاره سی
زهرادی دردوون چاره سی
جان یارالی....

گوزیاشیمی سیلمرم*
آغلیارام،گولمرم
دوشسه حجازه یولوم
کوفیه دای گلمرم
ائتسه قضااقتضا*بیرده قییتسم بورا
کوچه لرینده گزوب*ایلرم آه ونوا
غمدن یاپراق کیمی اَسمیشم
کوفه دن آی باباکوسموشم
جـــان یارالی....

• سه شنبه
• 12
• اسفند
• 1399
• ساعت
• 12:53
• نوشته شده توسط
• یوسف اکبری

مژده، مژده یاران/بَهاران/ اولوب ماسِوا
قُدرتین دوباره/نمایان /ایدیبدور خدا
کعبه آچدی آغوش /بو گونده/ ایدوب سینه چاک/
عرشیدن ملائک /دیوللر /گلوب مرتضی

سَربَسَرِ صفادور/علینون/گوزَل هیکَلی
نورِ چِهره سیندن/فَلَک لر/اولوب مُنجَلی
دشمنانِ حیدر/جَهاندا/گوروم کور اولا
افتخارِ کعبه /یقیناً /علیدور علی

یا علی یا حیدر/یاحیدر/یاحیدر مدد

خلقتِ علیدن/خلایق/دوشوب حیرته
اوچگون اولدی مهمان/خدایه/باخون عزّته
دَهریده گورَن یوخ/نَظیرین/بو بیر مَطلَبین
میزبان اولوبدی/خداوند/او شخصیّته

خَلقی قویدی حیران/بو ایشده/او قدرت اَلی
مصطفایه گَتدی/یگانه/وصیّ و ولی
میوه ی بهشتی/آناسی/ییوب غیبیدن
سَس گلوبدی گویدن/بالاوین/آدین قُوی علی

یا علی یا حیدر/یاحیدر/یاحیدر مدد

ای شَهِ ولایت/گدایَم /عنایت ایله
دوتموسان اَلیمدن/صراطه/هدایت ایله
غَرقِ در خطایم /بولورسَن/اوزون قیل کَرَم
عرصه گاهِ محشر/غلامون/شفاعت ایله

سَنسَن ای پناهیم /حقیقی/سَخا مَعدنی
سَن بویورموسان کی/ئولَن لر /گوره للر منی
منده یوخدی طاقَت/ دوزَم تا/یتیشسون اَجَل
گونده مین یول ئولسَم/روادی/گورَم تا سنی

یا علی یا حیدر/یاحیدر/یاحیدر مدد

شُکر اولا خدایه/مُریدِ /شَهِ عالَمَم
آسِتانِ شَهَدن/ئولونجه/اَیاق چَکمَرَم
منده یوخ لیاقت/مَقامِ /علیدن یازام
غم گیدر اورکدن /داریخسام /آدین سَسلَرَم

عشقینه جَهاندا/ایدوبدی/منی مُبتلا
تا مِسِ وجودی/ولاسی /ایده چون طلا
(بیکَس) و غریبم/نولور بیر/عنایت ایده
دعوت ایلیه بیر/پیاده /نجف کربلا

یا علی یا حیدر/یاحیدر/یاحیدر مدد

• یکشنبه
• 1
• فروردین
• 1400
• ساعت
• 18:38
• نوشته شده توسط
• یوسف اکبری

وای اوگوندن که علی باشینه ضربت دگدی
نه علی باشینه،هر قلبه جراحت دگدی
زینبون قلبینه بیر تیر مصیبت دگدی
دئدی ای محرابی قانی بزیین جان بابا وای
قانلی محرابیده لبیک دیین جان بابا وای

رستگار ایلدی آلله سنی عالمده بابا
کیم دوزر منده دوزم بو غم اعظمده بابا
ننه سیز بیر قیزام ایندی یانیرام غمده بابا
آچ گوزون ایله نظر غملرون آواره سینه
ئوتوروب آغلیارام هی باشووین یاره سینه

دوزدی منشق ائلیوب باشووی بیر فرد لعین
ولی قانونله سنون محکم اولوب پایه ی دین
گئنه غم لشگری اطرافیمیزه ائتدی کمین
آنامیز کی یوخودی ائوده صفائیدون آنا
آیریلیق دردینه عالمده دوائیدون آتا

آتا ئولسه،بابا هر ائوده غبار غم انر
سارالار گول تک اوشاخلار،ورق بختی دونر
آتا گوز یومسا بیر ائودن او ائوین شمعی سونر
سن یخلدون باباجان سیندی بیزیمده پریمیز
آند اولاجانیوه باشلاندی یامان گونلریمیز

• یکشنبه
• 8
• فروردین
• 1400
• ساعت
• 11:59
• نوشته شده توسط
• یوسف اکبری

عشق اهلی گدای در و دربار علیدور
شمس وقمرون جلوه سی اَنوار علیدور

انسانلیق ایوینده گرعدالت سَسی واردی
شکّ ایلمه باشدان باشا آثار علیدور

طاها گتورن دینی علی ایلدی زنده
توحید یقین جلوهء افکار علیدور

بیهوده دی حَجّی که اولاحُبّ علی سز
ئوز مَنزلتین کعبه بدهکار علیدور

هم شَان علی وارنه بَشرده نه مَلَکده
صورتگر ئوزی عاشقِ رُخسارعلیدور

تا سِدرهء اعلایه قَدَم قویدی پیمبَر
سَس گلدی دی یاهو بورا بازار علیدور

مَستانِ درِ عشقِ علی جَنّتی نیلور
جَنّت بیزایچون ، سایهء دیوارعلیدور

• پنج شنبه
• 12
• فروردین
• 1400
• ساعت
• 11:58
• نوشته شده توسط
• یوسف اکبری

نفس اماره سالار جاهلی دام خطره
وای او گوندن اولا ابلیس مُباشر بَشَره
زاهدون لَکّه لَسَه دامَنینی رنگِ ریا
مین شبِ قَدراوخینان خُطبه یتشمزثَمَره
اولسا قربانی اگرنَفسینه اَرواحِ سَلیم
عَرصهء علمیده جُولان یتشَر بی هُنَره
رَایِ قاضی دَه اگر اولماسا وجدان حاکم
دُونَر اَلده قلمی خَنجَره یا که تَبَرَه
سالسا انسانلیقی زنجیره اگرعشرتِ دَهر
شَمعِ کم نور ، مُباهات ایدر آیدین قَمَره
پیله وَراولسااگرخُبره سی خالص قیزیلون
دولانار بَهره تجارتده تماماً ضَرَره
بلی قربان دیسَه نا اَهله اگر زاهدِ شب
ثَمرِ طاعت و تَسبیحی ویرَر تز هَدَره
شرفین ایلَسه کیم حُبّ ریاسَتده فدا
دوندَرَر دیلده که تقلیدی عَلیدن ، عُمَرَه
یا علی سَسلیَون اولماسا تَقواسی اگر
ساتار ایمانی دَه رَنگین آچلان سُفره لَره
چیره دستانِ قَلمدار اولا گرگوشه نشین
اوخشادار قَهرِ زمان جاهلی صاحب نَظره

• شنبه
• 14
• فروردین
• 1400
• ساعت
• 22:30
• نوشته شده توسط
• یوسف اکبری

ای شیعه گلون ساقی کوثر یارالاندی
همسنگر و همتای پیمبر یارالاندی
محراب عبادتده نماز اوسته مبارک
فرقینه دگوب زهرلی خنجر یارالاندی

دنیانی چالیب بیر بیره بیر ظالم دوران
ظلمیندن اولوب کون و مکانین جانی لوزان
ایوای بلشوب قانه گلون ناطق قرآن
آننیندن او قیمتلی سخنور یارالاندی

ایکاش که سنیدی اوزمان چرخ قضانی
گورمیدی زمانین گوزی تا اول جریانی
دینین یخیلدور ستونی صبح زمانی
دنیایه اولان وزنه و لنگر یارالاندی

گون دوشسه کسوفه نجه اولار ماه وستاره
ظلمتده قالار سالماسا گون نور دوباره
وار حقی بوغمده چکه لر گوگلره قاره
چون نورده کونیدی حیدر یارالاندی

جبریل گلوب شورونوا شیون و شینه
تسلیت ایده زینبه همده حسنینه
سسلندی گلون فاتح اولان بدرو حنینه
بیر چاره قیلون فاتح خیبر یارالاندی

گیتمشدی علی مسجده احیای نمازه
غرقیدی مصلاسی اونون رازو نیازه
بلبل دوشنوب سانکه گل گلشن رازه
دل گوردی حضورینده کی دلبر یارالاندی

ایتمیشدی غم دین ایله اول خسروی خسته
اولموشدی فقط مونس غم قلبی شکسته
گوردی باشینین قانی آخور تپراقین اوسته
بیر جمله بویوردی هامی دللر یارالاندی

عرض ایتدی قسم کعبه نین اللهینه غمدن
قورتولدی علی د هرده هردرد والمدن
اما نگرانم دیدی اعراب و عجمدن
منلن دیدی اونلاردا برابر یارالاندی

ضعف ایلوری یوخ قلبده بیر ذره جه یارا
آهسته بویوردی حسن ای سر دل آرا
سعی ایله اسیریله اوغول ایله مدارا
بیر ضربت شمشیریله چون سر یارالاندی

سرگرمدی فانیله بقا جنگ و جدلده
مولا اوزی جان اوسته دی چنگال اجلده
آغلوردی یتیملر هره بیر کاسه سود الده
ِیعنی آتادان اونلارا برتر یارالاندی

آفاق ولایتده قرا یللر اسوردی
هجران آتی یول گتمه ده چوخ چوخ تلسوردی
بیر لیک سنین آیرلقین تیغی کسوردی
سسلوردی گلین قاتل انتر یارالاندی

یازدیقجا قلم دفتره مظلوم سوزوندن
گوز یاشون آخور دائمی رخساره گوزوندن
غمگین سن''امینی''گورونور غملی یوزوندن
شاه دو جهان شافع محشر یارالاندی

• جمعه
• 22
• مرداد
• 1400
• ساعت
• 11:41
• نوشته شده توسط
• یوسف اکبری

مظلوم امامه اهل ولا سینه داغلادی
هرگوزساتاشدی منبرومحرابه آغلادی

قربان اولوم بو یاسدا قرانی گینلره
دوتقون سسیله حیدر وحیدر دینلره

آیاسبب ندورهامی بو شوروشینیده
دیللرعلی دیور ولی گوزلرحسینیده

ای کاش اوقانلی باشیله شیرخداگله
کرب وبلاده یول سالا بیرقانلی مقتله

گورسون غمینده گراونایولداشلارآغلیور
عطشان حسینه چولده قرا داشلارآغلیور

یامرتضی سنون باشووا دگدی بیر یارا
دورت مین یارا وران یارانی گور وئروب هارا

ئوز بیتووه سنی آپاران مهر وماهیدی
اما حسینه بستر همان قتلگاهیدی

اوغلانلارون یانوندا سنه بیر دایاقیدی
اما حسینه شمریله خنجر قوناقیدی

زینب سنی گورنده الین معجره آتوب
مقتلده زینبون الینی خنجره آتوب

اعوانون اولدی ائوده اوجسمی قوجاقلیان
آتلاردا اولدی نعش حسینی ایاقلیان

گللر آلوب تشرفه سندن اجازه نی
کرب وبلاده توز بورودی گل جنازه نی

قرآن اوخوردی پیکرووه جبرئیل اوحین
باشلوب جداده نعشینه قرآنینی حسین

سن یاعلی ئولنده عزا کوفه باشلادی
راس حسینی کوفه ده چوخلاری داشلادی

سن یا علی ئولنده بنات و حرملرون
قالدی کمال امنیده حتی خدملرون

اما حسین ئولنده قالان نازدانه لر
هرآغلاشان زمان اوجالوب تازیانه لر

(نادر)علی غمینده گنه قاره سین گیوب
هم آغلیوبدی حیدره هم یا حسین دیوب

• شنبه
• 30
• مرداد
• 1400
• ساعت
• 23:19
• نوشته شده توسط
• یوسف اکبری

اولدی منوّر،جهان سراسر،گلدی علی مولا
دیور ملکلر،گل آچدی گللر، گلدی علی مولا

ساقی کوثر،شیر دلاور،علم ده دریادی
مظهر داور،ناطق منبر،عالمه پیشوادی
عشق مصوّر،عشقیمه سنگر،همسر زهرادی
عالمه سرور،شیعه رهبر،گلدی علی مولا

شاه ولادی،شیر خدادی،باب رجادی علی
بحر سخادی،درده دوا دی،کان وفادی علی
گره گشادی،نور هدادی،دینه فدادی علی
،گوگده ملکلر،آچوبدی شهپر،گلدی علی مولا

خاصَّهُ الله،خَلیفهُ الله،اَشرف المَکین
ابوالائمه،امام الامه،اَشجعُ المَتین
دَیانُ الدّین،عَمُودُ الدّین،اصلعُ الاَمین
سرور قنبر،صدیق اکبر،گلدی علی مولا

• دوشنبه
• 8
• شهریور
• 1400
• ساعت
• 15:33
• نوشته شده توسط
• یوسف اکبری