کیمدی علی گور خِرده سلطه سین
اوجیدا گور خطبه ی بی نُقطه سین
سقفیده بارانه نشان دامجیدی
علم اوسقفیندن آخان دامجیدی
فضل بودور گورمگه گنجینه سین
علم اوزی عطشاندی اوپه سینه سین
صبری دنیزدی بلی باحِلمیدی
حِلم بماند پدر عِلمیدی
حُکمی حَکمدور سوزی فاسق دگول
حِکمت ،الین اوپمگه لایق دگول
هیبته باخ شوکته باخ شاهیدور
گورمدیگیننده بو آگاهیدور
لوکُشِفین کشفی بودور مستند
واردی بو اشعاریمه قدسی سند
خاتم مرسل نجه گیتدی حاجا
چیخدی سماواته گجه معراجا
حاصل اوختم نبوی عقلِ کُل
شاخص شخصیت کل رُسُل
جبرئیلی قویدی دالا فرشیده
اللها چاتدیردی اوزون عرشیده
خالق ومخلوق آراسیندا قالان
فاصله اولدی ایکی حد کمان
خالقه تعظیم تمام ایلدی
سجدیه تز دوشدی سلام ایلدی
نوردا سس اولماز کی بویورسون کلام
حق دئدی ای بندم عَلیکَ السلام
حقیله بیرآز که ادیب گفتگو
حیدره فرض ایله اولوب روبرو
گوردی غریب ایشدی سس عم اوغلونون
حنجره اللهدان اولوب سس اونون
سسلدی بو جلوه ولینین کیدی
یاللعجب بوسس علینین کیدی
عرشه چاتوب بونجه اصواتیدی
حق ددی بو صوت مناجاتیدی
تحسینه ال قوزادی رفرف سوار
جانشینین ایلدی تایید اویار
ایتدی اوزعم اوغلوسینا افتخار
شاهدی اولدی خود پروردگار
باخدی خداونده اونور جلی
حق دئدی جانم بو دئدی یاعلی
- یکشنبه
- 21
- بهمن
- 1397
- ساعت
- 11:48
- نوشته شده توسط
- ابوالفضل عابدی پور
ارسال دیدگاه