• شنبه 15 اردیبهشت 03


در فضائل و مناقب حضرت امیرالمومنین علیه السلام -(قلبین ائوینه زیب ؛ تولّا گرگ اولسون)

488

قلبین ائوینه زیب ؛ تولّا گرگ اولسون
هر شیعه ولا عشقینه دارا گرگ اولسون
حکم علوی دهریده اجرا گرگ اولسون
داد و مدد و عدل محیّا گرگ اولسون
حق حکمینی اجرا ائلیین سرور؛علیدی
کرسی عدالتده فقط رهبر علیدی




جان بذل ائلیوبدور آقامیز روح نمازه
عشقی یاییلوب مکه و شامات و حجازه
پروازه ملکلر آلار حیدردن اجازه
معنانی علیدور وئرن اعجازیله رازه
علّت اودی بو قائده ممنونِ علیدی
عیساده کی اعجازیده مدیون علیدی




حیدر نجه حیدر ئوزی ما فوق بشردی
حیدر نجه حیدر سوزی شمشیر دوسردی
حیدر نجه حیدر یوزی الحق کی قمردی
ارباب سخن ؛ شاه زمن ؛ مرد ظفردی
وئرسیدی تکان دامنه گوهر توکولردی
گوهر ندی مین سلسله لشکر توکولردی




انسانیتون یرده ثریاسیدی حیدر
مردانیلیگون موجیلی دریاسیدی حیدر
علم و ادبین عالیه انفاسیدی حیدر
پیغمبرین احساسیلی عباسیدی حیدر
قدرتده بلی کیمسه شهِ خیبر اولانماز
مین رستم دستان ییغیشا حیدر اولانماز




عرش حقه حیدر کیمی تابنده آی اولماز
اوصافینه دنیا نـقدر واردی سای اولماز
واضحدی بو سوز درکه یالاندان هارای اولماز
هئچ کیمسه شجاعتده بو مولایه تای اولماز
قهار الی هر خلقینی بی شَک یارادوبدی
بیر حیدری بیر فاطمه نی تک یارادوبدی


  • یکشنبه
  • 21
  • بهمن
  • 1397
  • ساعت
  • 18:7
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران