• جمعه 10 فروردین 03


متن شعر ترکی در عزای حضرت ام البنین (س) -(گوزومده اشک مصیبت دوباره جوشلاندی )

353

گوزومده اشک مصیبت دوباره جوشلاندی 
ایکیمجی فاطمه چون عزاسی باشلاندی 

یانان اورکده غمی اونوندا چوخ چوخودی 
گوزونی باغلاماقا بالالاری یوخودی 

کمانه دونموشیدی سرو قد رعناسی 
جان اوسته گوزلری هردم گزردی عباسی 

اولده گرچه اوغولار آناسی آدلاندی 
آخردا قالدی اوغولسوز وجودی اوتلاندی 

نواسی قلب زمین و زمانی داغلاردی 
مدینه ده گجه گونوز حسینه آغلاردی 

الردی حسرتیله گل جماله اشک ترین 
گلوب بشیر وئرنده اونا اولوم خبرین 

ائشیتدی قتل حسینی نواسی قوزاندی 
اورگی نار بلایه دوباره دن یاندی 

بویوردی گلشن آرا سولدوروب عدو یاسی 
حسین سیز ام بنین نیلیور دای عباسی 

ائدردی ناله چکردی او بی نوا هی آه 
آتاسینا گجه لر آغلیاندا عبدالله 

دییردی آغلاما اوغلوم منی کباب ائلمه 
باشیما خانه ی صبری یخوب خراب ائلمه 

سن آغلیاندا اورک تازه دن اولور یاره 
سن آغلیاندا دونور گوندوزوم شب تاره 

سن آغلیاندا اورک یاره سی تازه لنور 
باشیما گرد عزا دوباره دن النور 

سن آغلیاندا اورک ملکینی دوتور ماتم 
دوشور یادا بالاما قسمت اولمیان علقم 

گورن زمان آنون اولسون گوزونده کی اشکی 
مجسم ایلیورم گوزده، قان دولان مشکی 

یانور کوز اوسته اورک حالتیم اولور مضطر
دولان زمان گجه لر اشکیله دولان گوزلر 

گجه کچوب یاریدان آغلاما بیرآز دینجل 
بو داغلانان سنمی داغلاما بیر آز دینجل


  • دوشنبه
  • 22
  • بهمن
  • 1397
  • ساعت
  • 19:23
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران