یئتیشدی گوشیمه الهام غیب بهجتله،
کی ای کئچن بو جهان ایچره عمری غفلتله
مگر ائشیتمه میسن معجز شه دینی،
ندندیمی دگیسن شاد بو بشارتله؟
کی سال مین ایکی یوز سکسن اوچده بیر پاشا،
ورود ائدیب نجف الاشرفه حکومتله
گلیبدی تنگه اونون جمله خلق ظلموندن،
ائدیبدی اونلاری آزرده دل اذیّتله
گلیب مزارینا اول سرور فلک قدرین،
آیاقدا چکمه، بئلینده قیلیج فخارتله
دگیل بو روضۀ پر عطر، کعبه دن کمتر
چکیب بو چکمه نی قوی تیغی، گیر لیاقتله
بو بارگآهدا سردارلار سلاطینلر،
سوره ر غباره یوز اخلاصیله مذلّتله
بو طوف گاهدا سیران ائدر ملائکلر،
غلامدور بونا کرّوبیان صداقتله
بو سرزمینده دیر قبر حضرت آدم،
مزار نوح نبی بوندادیر روایتله
بو آستانه ده هم مستجاب اولور دعوات،
بو یئرده عاصی اولور ناجی بیر زیارتله
بودور خلیفه ی رحمان، بودور امام انام،
کی عالم اهلی بونا گؤز تیکیب ارادتله
بودور بو وادی اقدس کی گلدی موسایا،
ندای فَاخلَع نَعلَیک صوت عزّتله
دئییب تمام اونا خدّاملار کی: ای سرور!
بو روضه ایچره ساقین گیرمه بو قباحتله
بو کشکولر اونا هرگز ائتمه ییب تأثیر،
بو امردن داها غیظ ایلیوب کدورتله
کی من همیشه سلاطینلر حضوروندا،
قیلیجلا چکمه ایله اولموشام مهابتله
عبث فسانه دی بو سؤز قویاندا قدم،
او صحن پاکه او ظالم، کمال جرأتله
کی ناگهان اوجالیب قبردن ایکی انگشت،
چالیب بئلیندن او ناپاکی شصت و قوّتله
فدا او بارماغا کیم ذوالفقار برّان تک،
ائدیب دونیم او ملعونی بیر اشارتله
تو کولمه ییب حرم پاکینه اونون قانی،
چکیبله دیشرایا جاری اولوب کثافتله
بو معجزی ائشیدیب شاد اولور دل مؤمن،
او کس کی منکردور رشک ائدر بخالتله
اولان بو معجزه منکر لعین دیر کافر،
مبدّل ائیله یر ایمانینی ضلالتله
بو نوع معجزی گورمز نئچون اماما روا،
نه بحثدور بو قیلیر رتبۀ امامتله
بو أل او أل دگیمی باب خیبری قوپاریپ،
هوا أوزونده دوتوب ساخلادی رشادتله؟
بو أل او أل دگیمی عمر ابن عبدودی،
جهیمه واصل ائدیب بازوی شجاعتله؟
بو أل او أل دگیمی مرحبی قیلیب یکسان،
غبار تیره یه بیر جانگداز ضربتله؟
بو أل او أل دگیمی مرّة ابن قیسی بؤلوب،
ندیر بو امرده بحث ائیلمک جهالتله؟
امامدن دیریلیکده هر ایش ظهورا گلیر،
وفاتی اولسادا اول ایش اولور او حالتله
نچونکه یوخدو عزیزیم امامیچون اؤلمک،
امامین اؤلمگینی سانمایین شهادتله
اولان بو معجزه منکر، امامه منکریر،
گلیر قیامته محشور اهل بدعتله
بولار نه رتبه دیر اول پادشاه کونینه،
تانی علینی باخیب دیدۀ بصارتله
دگیلمیدیر بو او سلطان کیم شب معراج،
تکلّم ائیله دی اُول خاتم رسالتله؟
دگیلمیدیر بو او سرور کی کشتی نوحی،
قوتاردی ورطه ی طوفاندن عنایتله؟
دگیلمیدیر کی بو مولا کی نار نمرودی،
خلیله ایلدی گولزار لطف و شفقتله؟
بودور او حاکم ذیشأن کیم دؤنر آبه،
اگر کی گوره باخا ناره سیاستله
بودور علی ولی الله، شیر حضرت حق،
بودور یدالله مبسوط نصّ آیتله
علی دگیلمی ائدن طینت ابوالبشری،
زمان خلقده ایجاد دست قدرتله؟
دگیل خدا، ولی آندان صدور اولان ایشلر،
د گیل بشرده اولان قوّت بضاعتله
دخیلدور بو شهین آشیانینا «سیّد»،
کی قورتارا اونو محشر گونو شفاعتله
أوزو قرا ألی بوش عاصی و گنهکارم،
جزا گونونده منی قویما بو خجالتله
- دوشنبه
- 22
- بهمن
- 1397
- ساعت
- 19:55
- نوشته شده توسط
- ابوالفضل عابدی پور
- شاعر:
-
سید عظیم شیروانی
ارسال دیدگاه