بو گئجه عشق آخشامیدی
سؤزوم ملک الهامیدی
ملک لر سپور یاشیل گول
سیدلرین بایرامیدی
شیعه لر به صوت جلی
دیوللّر یا مولا علی
مولا علی مولا علی
آمان آمان ساقی ساقی
گتور گنه می باقی
آقام علینون عشقینده
سرمست ائله بو عشّاقی
شیعه لر به صوت جلی
دیوللّر یا مولا علی
مولا علی مولا علی
جامِ جان مثلی جام اولماز
علی کیمی ایمام اولماز
دیون گولون آی عاشق لر
بئله گؤزل بایرام اولماز
شیعه لر به صوت جلی
دیوللّر یا مولا علی
مولا علی مولا علی
بو گؤنده دین تکمیل اولوب
غم شادلیقا تبدیل اولوب
آللّه طرفیندن یئرده
چون علی دن تجلیل اولوب
شیعه لر به صوت جلی
دیوللّر یا مولا علی
مولا علی مولا علی
من ساکن قم اولموشام
غرق تبسّم اولموشام
ذکریم اولوب علی علی
چون سرمست خُم اولموشام
شیعه لر به صوت جلی
دیوللّر یا مولا علی
مولا علی مولا علی
گؤزوم گُلِ غدیره باخ
مولای بی نظیره باخ
«اجلّی»! عیدی ایسته سون
شعرِ «سیدبشیر»ه باخ
شیعه لر به صوت جلی
دیوللّر یا مولا علی
مولا علی مولا علی
- دوشنبه
- 22
- بهمن
- 1397
- ساعت
- 19:58
- نوشته شده توسط
- ابوالفضل عابدی پور
- شاعر:
-
سیدبشیر حسینی میانجی
ارسال دیدگاه