یا امام زمان امان گونودی
دین و دنیامیزین یامان گونودی
فرقه فرقه دوشوب مسلمانلار
قوجالیب بوذریله سلمانلار
پوزولوب اعتبار و ایمانلار
اعتقادین او بی امان گونودی
چیخدی یادّان مراسمات غدیر
هره ئوز نفعینین دالینجا گئدیر
نجه هنگامه دی نه مسئله دیر
زر و زورین او قهرمان گونودی
زور و تزویر آرا چکه چکدی
توزلی قرآن حسین کیمین تکدی
شام یولوندا بی بین نه لر چکدی
شیعه دنیاسینین همان گونودی
قورخورام ال گیده ستم اوخونا
دگه بیزدن ولی سیزه توخونا
نییمیز واردی فاتحه اوخونا
هله اوخ عصریدی کمان گونودی
چوخلاری بیعت ائلییب اما
بیعتی بدعت ائلیب اما
سوز ائدیب صحبت ائلیب اما
ا ورگین لخته قان دامان گونودی
نچه مدتدی #محسن_حججی
اتدی معنا دعای والفرجی
وئردی باشین آپاردی فیض حجی
چون امان وئرمین زمان گونودی
هنریلن قرا داشی قازیریق
آراسیندا غدیردن یازیریق
نوری خاموش ائدیب یولی آزیریق
منتظرلر گوزون یومان گونودی
- سه شنبه
- 23
- بهمن
- 1397
- ساعت
- 10:53
- نوشته شده توسط
- ابوالفضل عابدی پور
- شاعر:
-
واصف مرندی
ارسال دیدگاه