آنداولامصحفه نونه قلمه
کربلاده قاناباتان علمه
علمون صاحبی صاحب کرمه
سن شرف اهل سخاسن علی
هامی آقالاردان آقاسن علی
آنداولاگویلرده داغاداشلارا
عاشقلرگوزیندن آخان یاشلارا
نیزه لرباشیندا گزن باشلارا
سن مُنجیِ دین خداسن علی
هامی آقالاردان آقاسن علی
اولسون قسم پارچالانان بوغازا
اوخلارآلتیندا قیلینان نامازا
قلم،قلم اولساگرکدوریازا
مظلوم دهرپرجفاسن علی
هامی آقالاردان آقاسن علی
آنداولاتشنه لب ئولن قوناقا
تیکان باتوب قاباراولان ایاقا
طشت ایچینده پارچالانان دوداقا
سرچشمه ی عینُ البقاسن علی
هامی آقالاردان آقاسن علی
اولسون قسم هورونمیین ساشلارا
تپراقلاری بالش ائدن باشلارا
توز بورییَن کیپریگلره قاشلارا
درداهلینه دردآشناسن علی
هامی آقالاردان آقاسن علی
آنداولاآی کیمی باتان قیزلارا
جان شوقینی باشدان آتان قیزلارا
خرابه لرده آج یاتان قیزلارا
آزاده خلقه مقتداسن علی
هامی آقالاردان آقاسن علی
اولسون قسم غم چهره سین پوزانا
اکبرآدین تپراقلارا یازانا
زینب خرابه ده قبرین قازانا
هم ابتدا،هم انتهاسن علی
هامی آقالاردان آقاسن علی
اولسون قسم قره یازی گلینه
حناکیمی قان یاخیلان الینه
گول یرینه کول اگلشن تلینه
دریای رحمت وعطاسن علی
هامی آقالاردان آقاسن علی
اولسون قسم شکسته آیینیه
زحمت کش اللرونده کی پینیه
قاپی دالندااوتلانان سینیه
آئینه ی خدانماسن علی
هامی آقالاردان آقاسن علی
آنداولاقمچی سندیران خولّارا
زینب گئدن آلچاق اوجایولّارا
علقم اوسته قلم اولان قولّارا
شرح نزول هل اتی سن علی
هامی آقالاردان آقاسن علی
اولسون قسم عشق اهلینون رشکینه
سکینه نون گوزدن آخان اشکینه
ابوالفضلون پارالانان مشکینه
مطلع نورکربلاسن علی
هامی آقالاردان آقاسن علی
آنداولازهراتوخیان کوینگه
رقیه باغریناآلان بلگه
قمچی دگوب یول یول اولان بیلگه
ضیا ٕ چشم انبیاسن علی
هامی آقالاردان آقاسن علی
اولسون قسم اوخلارسوکن ئورگه
قتلگهده قاناباتان بیلگه
خیمه یانیندااودقاپان اتگه
دردالیندن سینه یاراسن علی
هامی آقالاردان آقاسن علی
- سه شنبه
- 23
- بهمن
- 1397
- ساعت
- 11:50
- نوشته شده توسط
- ابوالفضل عابدی پور
- شاعر:
-
فرهنگ خدایی
ارسال دیدگاه