ایستیرقلم،که وصف ائده اوصاف حیدری
اما گورور که وصفینه الکن دی جوهری
دلبر یازیم؟ نه نوعی دییم؟ نه خطاب ائدیم؟
بیر واژه یوخ که شأنینه ائتسین برابری
سرور، شه، عالمه رهبر، یوخ، آزگلیر
شه منتین چَکَر، اولا بو شاه نوکری
دنیا، تمام ماخلقین خالقی خدا
دنیاسفینه دور بودی، زیبنده لنگری
قاصردی دیل،فقط دییه آدین؛ گورون هله
وصفین دئسه نه حاله قالار الده دفتری
شأنین بونون جهاندا بیر الله بیلیر فقط
تنها اؤزی بولور نه یارالدیبدی اللری
آب و گِلین قاتاندا بونون نیت ایلیوب
تا بیربیره جهانی ویرا، مست گوزلری
خلق ائیلیوب خدا اوزی حیران قالیب بونا
باجادی پس بشر قالا حیرتده، یکسری
شأنینده بس،که کعبه ده دنیایه گوز آچیب
باعث بودور،که کعبه اولوب عرشین افسری
- سه شنبه
- 23
- بهمن
- 1397
- ساعت
- 11:56
- نوشته شده توسط
- ابوالفضل عابدی پور
- شاعر:
-
سعید حضرتی (هاتف)
ارسال دیدگاه