• جمعه 10 فروردین 03


مدح حضرت علی (ع) توسل حضرت آدم (ع) به حضرت علی (ع) -(ای آدی دلربا علی)

683

ای آدی دلربا علی
آدیوا جان فدا علی 
رهبر اوصیاء علی
ملجأ اولیاء علی
مظهر قُل کَفٰی علی
معنی هَل اَتٰی علی
منظرِ اِنَّما علی
آیت کبریا علی
رهبر و مقتدا علی
نقطهٔ زیرِ با علی
بیر نظر ایله بیکسم
ذکریم اولوبدی یاعلی



اوزقویوب آستانووه
آه و نوا گتیرمیشم
بیر اوزو قاره نوکرم
جرم و خطا گتیرمیشم
چونکی سنی آقا بیلیب
دیلده ثنا گتیرمیشم
سن کی بلا کشیده سن
منده بلا گتیرمیشم
درگهووه اوره ک سؤزون
مثل گدا گتیرمیشم
سائلم آستانووه
ائیلَمَرَم اِبا علی



اولماسا ذکر یاعلی
نطق و بیانی نیلورم 
یازماسا مدح مرتضی
کِلکِ روانی نیلورم 
ملکِ فناده بی علی
فیض بقانی نیلورم
عشق علیسیزعاشقِ
بی سر و پانی نیلورم
مندن علی محبتین
آلسالا جانی نیلورم
فخرائدیرم کی اولمیشام
عشقووه مبتلا علی



خامه علینون آدینی
یاز دئدیم آب و تابیلن 
سبقته چیخ بوعشقیده
سرعتیلن شتابیلن 
آغلا علینین عشقینه
گؤیده گزَن سحابیلن 
باشلامبارزاتیوه
تودهٔ پرحجابیلن
ائتمه قیاس علینی سن
ماهیلن آفتابیلن 
خلقت کایناتیده
نَیّرنُه سماعلی 



نورعلی گؤرن کیمی
آۍ نئجه دالدالانماسین 
جام بلورکهکشان
بس نئجه چیپجالانماسین 
گون نئجه اولماسین خجل
یا نئجه خیردالانماسین 
باشینا اؤرتوگون چکیب
گونده گرک قالانماسین 
رشتهٔ صحبت اۍ قلم
سعی ائله چوخ جالانماسین 
لطف وعنایتین یقین
ایلییه جک عطاعلی 



دریالار اولسا جوهریم
جنگل آغاجلاری قلم
گؤۍ اوزوعالی دفتریم
ائتسم علی آدین رقم 
روز قیامته قَدَر
عمروم اولا بلاعدم 
مدح علینی یازماقا
کمدی بو عمر کمدی کم
صاحب احتشامیدیر
چونکی او میر محتشم 
بسدی بو نکته عارفه
اول وانتها علی



نام اميرمومنان
زینت عرش داوراست 
نور جمال مرتضی
درهمه جا منّوراست 
مهرِ علی ز سجده و
صوم و صلاة برتراست 
هر که ندارد حُبّ او
در دل خویش کافراست 
بحرعروج عارفان
ذکرعلی شهپر است 
عشق توکیمیاعلی
عاشق بی ریا علی



کعبه مطاف عشق شد
از کرم وجود او 
سجده به سجده اوفتاد
از نِعَمِ سجود او 
جود وجود خود ندید
در یَدِ پر ز جود او 
عدل برون طراود از
جمله ی تار و پود او 
هست جهان هستی از
بودن فیضِ بود او 
بودن توست مایه ی
بود وجود ما علی 



آدم بوالبشرهمین
یئراوزونه گلن زمان 
هجرینه آغلاییب بوتون
جنت ایچینده حوريان 
گزدۍ دولاندۍ یئر به یئر
تربت ارضی باغرۍ قان 
سس گلیب اوندا آدمه
صبر ائله گزمه چوخ دایان 
مروه صفاده سعی ایله
تا سنه یول وئریم نشان 
اولدو او گونده حضرتِ
آدمه رهنما علی



حضرت آدم آغلادی
صدقیله یاعلی دئدی 
زورق روحی یول تاپیپ
ساحله یاعلی دئدی 
نُه فلک اولدو همصدا
شمسیله یاعلی دئدی 
انجم و شمس و آسمان
ماهیله یاعلی دئدی 
آدمی سالدی حیرته
آهیله یاعلی دئدی 
تاپدی نجات غصه دن
آی سنه جان فداعلی 



عابد سرفراز علی
زاهد بی نیاز علی 
سالک چاره ساز علی
صاحب اهل راز علی 
راز دل نماز علی
عاشق پاکباز علی 
شاهد هر نماز علی
جاهد پیشتاز علی 
وِئردی ولادتین گونی
کعبیه امتیازعلی 
خاک قدوم اطهری
گؤزلره توتیا علی


  • چهارشنبه
  • 24
  • بهمن
  • 1397
  • ساعت
  • 12:5
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 1.38 MB
تعداد بازپخش 30
تاریخ بارگذاری چهارشنبه 24 بهمن 1397 05:07
عنوان : به این سبک اجرا شود

ارسال دیدگاه



ورود با حساب گوگل

ورود کاربران