خلقت سببی ای جلوه سی نور ازلی
حلال صعب سنسن ای گوزللر گوزلی
عقبی و فنا مقدمیوه پیرایه لنوب
افلاکه دوشوب غریو هوالهو یا علی
صفات حقه مشتق
امام عدل و بر حق
ضمیر حق مطلق
علی علی علی جان (۴)
سنسن یاعلی قرار دل ختم نبی
سنسن یا علی مرتبه ده حاویله وصی
والی جزا ای کردگارین سویگولوسی
سنسن یا علی درمانده لرون دادرسی
صفات حقه مشتق
امام عدل و بر حق
ضمیر حق مطلق
علی علی علی جان (۴)
تحسین ایلیر هرآن سنی جبریل امین
ای قاهر و ای پیرایه جنات برین
سیناده ایدوب موسانی حیران نور رخون
نوح ازبریدی فرموده و شیرین سخنین
صفات حقه مشتق
امام عدل و بر حق
ضمیر حق مطلق
علی علی علی جان (۴)
خیبر قاپوسون آلدون اله ای شیر ژیان
محشر یارادوب رزم ایلدون ای شاه جهان
سنسن یا علی خلیله ناری گلشن ایدن
قربان آدیوا ای پادشه انسیله جان
صفات حقه مشتق
امام عدل و بر حق
ضمیر حق مطلق
علی علی علی جان (۴)
- چهارشنبه
- 24
- بهمن
- 1397
- ساعت
- 14:9
- نوشته شده توسط
- ابوالفضل عابدی پور
- شاعر:
-
حاج علی زلفی تبریزی
ارسال دیدگاه