گَل ئولور الان آنان ام البنین عباس من
ایلیوب هجرن منی چوخ دلغمین عباس من
ای علمدار حسین
تشنه سردار حسین
ای علمدار رشید ای قامتی شمشاد اوغول
یثربه بیر قیل نظر ایله ئوزون امداد اوغول
بو اوغولسوز مادری جان اوسته ایله یاد اوغول
باشیم اوسته گَل ئزون ای مه جبین عباس من
گل باخوم مه تک گوزل رخساریوه جان اوسته یم
حسرتم الان اوغول گفتاریوه جان اوسته یم
انتظارم من بالا دیداریوه جان اوسته یم
بو آناوی غصه لر ائتموش کمین عباس من
دورت گولی پرپر اولان بیر باغبانم گَل بالا
گوزلری یولّاردا اما قلبی قانم گَل بالا
غم کشیده داغدیده ، قد کمانم آی بالا
محنتینده اولموشام من دل حزین ، عباس من
عمرووین گر چه سولوبدی کربلاده گلشنی
گر چه قولسوز توپراقا دشمنلرین یخدی سنی
محضر زهراده اما سربلند ائتدون منی
اولدی اسباب شفاعت اللرین عباس من
تشنه لب جان وئرموسن دلدن یانوب دریا سنه
عالم معناده اوغلومسان دیوب زهرا سنه
باشیوین اوستونده اما آغلیوب مولا سنه
غملرین مولایه اولموش چوخ چتین عباس من
راویان غم گتوردی غملی بیر اخباریوی
مشک و پرچم ئوزلری ایلور بیان ایثاریوی
ایلیوب دشمن کمین سالموش اوزون قوللاریوی
غملرین اولموش سنون حزن آفرین عباس من
گوزلری یولدا قالان غملی آنان آغلار سنه
گوللری پرپر اولان بیر باغبان آغلار سنه
غملرین یاده دوشر جان اوسته قان آغلار سنه
توپراقا دوشدی ایندن پرچمین عباس من
گَل آناوین گوزلرین باغلا اوخی قرآن بالا
روحمین پروازی اولسون دیدیوه آسان بالا
گَل گلن یوللاریوه بو گوزلریم قربان بالا
گوزلریم بیرده ئوپه رعنا قدین عباس من
گوزلری یوللاردا قالموش مادرین گَل شاد ایله
خانۀ امید دیداری ئوزون آباد ایله
بیر باخیشدا محبس غمدن منی آزاد ایله
لشگر حقّه علمدار امین عباس من
لشگر غم غصه اوغلوم گوز ائوینده سان ویرور
بو جهاندا عمریمون پایانینی اعلان ویرور
دورت اوغول داغی گورن بیر مادر الان جان ویرور
سالدی دیلدن مادری آخر غمین عباس من
مادر تقوا و همت یومدی آخر گوزلرین
آسمان ماه غیرت یومدی آخر گوزلرین
یوللارا هی باخدی حسرت یومدی آخر گوزلرین
سسلدی ئولدی انان ام البنین عباس من
- چهارشنبه
- 24
- بهمن
- 1397
- ساعت
- 18:9
- نوشته شده توسط
- ابوالفضل عابدی پور
- شاعر:
-
محمدرضا بیگلی
ارسال دیدگاه