اولان ای فدیۀ قرآن
ابوالفضلیم ابوالفضلیم
آنان جانی سنه قربان
ابوالفضلیم ابوالفضلیم
اولوب وردیم منیم هر آن
ابوالفضلیم ابوالفضلیم
آنان یاندی بو نسگلدن
سو اوسته گئچموسن الدن
سو اولموب یانمسان دلدن
ابوالفضلیم ابوالفضلیم
آنان ام البنین آغلار
اوغولسوزلار حزین آغلار
اولوبدور بی بنین آغلار
ابوالفضلیم ابوالفضلیم
حسین یالقوز قالان ساعت
ائدوبسن ای اوغول نصرت
تاپوبسان عالی بیر شهرت
ابوالفضلیم ابوالفضلیم
سالوبلار قوللارون تندن
آلوبلار تاب دل مندن
اوغول چوخ راضیم سندن
ابوالفضلیم ابوالفضلیم
عمودیله سنوب باشون
دونؤبدی قانه گوز یاشون
گلوب فریاده قارداشون
ابوالفضلیم ابوالفضلیم
ائدوبسن عهدیوه ایفا
باشون اوسته گلوب زهرا
دیوب اول عصمت کبری
ابوالفضلیم ابوالفضلیم
سولان گُل سن کیمی سولماز
سنون تک باوفا اولماز
غمونده هانسی گوز دولماز
ابوالفضلیم ابوالفضلیم
چکر «تابعِ دین » فریاد
دییر ای زادۀ آزاد
ایکی دنیاسین ائت آباد
ابوالفضلیم ابوالفضلیم
- چهارشنبه
- 24
- بهمن
- 1397
- ساعت
- 18:29
- نوشته شده توسط
- ابوالفضل عابدی پور
- شاعر:
-
محمد حسن تابع دین
ارسال دیدگاه