عباسیم آنون بیر نچه ایل بختور اولدی
گوز دگدی همان بختوره دربدر اولدی
سالدیم که امامت ائوینه رحل اقامت
اولدی نظریم عترت پیغمبره خدمت
بیلدیم ئوزومی زینب مظلومیه کُلفت
شأنیم اوجالوب اُمَ بنین مفتخر اولدی
دوران آنالار ایچره منی ائتدی گرامی
دؤرد اوغلوم ئولوب دؤردی ده ئوز دینینه حامی
چرخون ولی آواره منی قویدی نظامی
طاق ظفریم ظلمیله زیر و زبر اولدی
بیر قلبیده فکر ایله نه اندازه داغ اولسون
سندن صورا گور خوشدی آنون لحظه ساغ اولسون
قدّیم بوکولوب ایندی گوزوندن ایراق اولسون
باعث بو پریشانلیقیما بد نظر اولدی
محنت اوخی هجرونده داخی قلبیمی یاردی
دؤرد نورس اوغول داغی سنق قلبیده واردی
ای وای بو قرا بخته اولا زلفیم آغاردی
عزت گونی گئتدی آنوون دیده تر اولدی
بایرامدی ائویم گور نه پراکنده دی اوغلوم
بی چاره آنون خسته دی شرمنده دی اوغلوم
گل زینبه پای یولا گوزی سنده دی اوغلوم
امید ائوی الدن گئدوب آواره تر اولدی
- سه شنبه
- 30
- بهمن
- 1397
- ساعت
- 19:28
- نوشته شده توسط
- ابوالفضل عابدی پور
- شاعر:
-
حاج محمد تقائی
ارسال دیدگاه