بو آخرین نفسیمده ائله محبت اوغول
دیار یثربه گل ایت منی عیادت اوغول
اجل تری دوزولوب آنیما ، گوزوم یولدا
بو صون نفس سنی گورسم اولور سعادت اوغول
مدینه ده آناوین قیدینه قالان یوخدی
مریض عشقیوه گل سن ائله طبابت اوغول
اوتانما گر گله بولسن سو ایستین یوخدی
ایدوبدی بعضی سی دار بقایه رحلت اوغول
گوزون ساتاشماز علی اصغرین آناسینا گل
رباب ئولوب ، آناوی ایتدی قوس قامت اوغول
دییردیم اوز اوزومه من ئولن زمان زینب
آلار دیز اوسته باشیم آرتیرار شرافت اوغول
اولوب جلای وطن حیف شامیده ئولدی
مزاریده ایلیوب زینب استراحت اوغول
غمیم غم اوسته گلوب هانسینی بیان ائلیوم
بو غمده شعله چکور دلده نار حسرت اوغول
باخاندا اوغلووا یاده دوشرسن عباسیم
سنون کیمی سویوری ایلیه سقایت اوغول
یریشده مثل اوزون ، قامتی قیامتدور
کلامیده ادبین ایلوری رعایت اوغول
علم آلاندا اله صاق صولا ائدور لنگر
دوشور خیالیمه زینب ائدن حکایت اوغول
دیینده فخر ایلیردیم ائوین اولا آباد
نشان ویروبسن عجب غیرت و شجاعت اوغول
وزیر ایدوبدی سنی شاه کربلا اوزونه
ایدوبدی قامتون اول دشتیده قیامت اوغول
علم آلوبسان اله تا که قوخماسین بالالار
حریم عصمته سن ایتموسن حمایت اوغول
کسوبله سو یولونی یاندی داغدار اورگون
حسین حرملرینه یوز ویروبدی محنت اوغول
غریبه غم یارادوب کربلاده آب فرات
سالوبدی درده ربابی همان مصیبت اوغول
سو قولی ویرموسن عزم ایتموسن فراته طرف
رقیه دن سنی لشکر ایدوب خجالت اوغول
بلایه دوشسون او که ایتدی مشکیوی پاره
آخوبدی سو ، سنه یوز ویردی چوخ ملامت اوغول
چئخیدی گوزلری اوچ پر اوخی سنه وئرانین
ایدوبدی سجده گهوندن او اوخ اصابت اوغول
او اوخ سببدی دیوللر که قان دولوب گوزووه
فدا اولوم سنه باغلانمیوب جراحت اوغول
الین یوخیدی نجه چکموسن اوخی ، یانورام
ایشیتموشم که اولوب آیری بیر جسارت اوغول
الین یوخیدی ندن ال چالوب گولوبله سنه
الی دوشیدی سنه کیم ایدوب شماتت اوغول
اماندی (حیدری) یازما او نوفلین ظلمین
آناسینا گوره ایلر سنه عنایت اوغول
دییردی ام بنین سنده ایل به ایل دیوسن
که قسمت اولمادی قبرین ائدم زیارت اوغول
- سه شنبه
- 30
- بهمن
- 1397
- ساعت
- 19:35
- نوشته شده توسط
- ابوالفضل عابدی پور
- شاعر:
-
داود حیدری
ارسال دیدگاه