مادر خونجگرم گل اوغول عباس ئولورم
یولووی گوزلویرم گل اوغول عباس ئولورم
.
.
دم آخرده گوزوم هی باخیری یوللاریوا
سالاسان جعفریلن فضلی ده ساغ سوللاریوا
باغلاسان دیده می قربان او قلم قوللاریوا
گیجه گوندوز ملرم گل اوغول عباس ئولورم
.
.
صبریده چاتماز آنان زینب والا جاهه
دلخوشویدوم نیچه مدت بالان عبذاللهه
اودی که من دوزه بیلدیم بو غم جانکاهه
سینه سی پر شررم گل اوغول عباس ئولورم
.
.
گوزلورم بیرده گله من خانیمیم فاطمه نی
کربلاده ییخیلاندا نیجه یاد ائتدی سنی
وار امیدیم که بو ساعت سالا آماره منی
من کنیز او درم گل اوغول عباس ئولورم
.
.
دورد اوغول بسلدیم هر دوردی ده سالار و رشید
نوکر گوش به فرمان حسین شاه شهید
آناوین کرب و بلادن غمی اولموشدی شدید
ایندی ده دیده ترم گل اوغول عباس ئولورم
- یکشنبه
- 20
- بهمن
- 1398
- ساعت
- 9:15
- نوشته شده توسط
- سید محمد حسینی
- شاعر:
-
شایان مصلح
ارسال دیدگاه