اثبات اولوبدی هر ئورگین کی ولاسی وار
هر ذرّۀ ولایتینه ابتلاسی وار
جانلار فدا اولوبدی ولايت بها تاپا
گوزلرچیخوبدی چون کی ولادن ضیاسی وار
محرابیلرده باش یاریلوب دین حقّ ایچون
مقتلده سینه لر چاپیلوب ماجراسي وار
بس فرقه انشعاب آلوب اسلام نابیدن
تنها تشیّعون شرف و اعتلاسی وار
فکر ایلیسن صفای دل شیعه دور نه دن؟
چون سینه سینده عشق ِعلی نین بناسی وار
اقرار ائدوبدی کیمسه علی نین ولاسینه
عالی مدارجه یتیشوب مرحباسی وار
چوخلار قویوبدی باشینه تاج قداستی
تنها باشیندا شیعه دی تاج طلاسی وار
کیم دور علی ؟ ئورکده کی مرآت حق نما
وجه خدایه مظهر اولوب حق نماسی وار
چرخ فلک ده خسرو گردون مدار اولوب
برج ولا اونون کیمی شمسُ الضُّحاسی وار
دوشسه علی محبّتی هر سینیه اگر
یانماز جهنّمین اودونا خوش جزاسي وار
چوخلار جسارت ائتدی علی نین مقامینه
فکر ائتمه هر رذیله اونون اعتناسی وار
آب دهان آتوب یوزونه ابن عَبدُوَد
ال ساخلیوبدی سانما ایشینده ریاسی وار
حیدر غروری سینسادا ناحق قلج لاماز
شمشیر آتار او یرده کی الله رضاسی وار
حیدردی خیبرین قاپوسین فتح ائدوب آچان
خیبر یاتار او یرده کی حیدر نداسی وار
آیا روادی شیعه دوشه درد و محنته
بیریرده کی علی کیمی مشکل گشاسی وار؟
آیا روادی سینه سی آماج درد اولا
بیر کس کی سینه ده شرر مرتضاسي وار؟
خیبر ییخان مشکل آچوب دردلری ییخار
هر چاره سیز درد اولا والله دواسی وار
دردلر دواسی لیک قالوب چاره سیز ئوزی
بیر نئچه یرده ؛ بو سوزومين اقتباسی وار
هاردا ؟ او یرده کی قاپوسین یاندیریبدیلار
تحت فشار او بابیده خیرالنّساسی وار
سقط اولدی محسنی یقه سی دوشدي اللره
باغلاندی قوللاری رسنه چون حیاسی وار
بیر نئچه ناکیشی سوریوب کنز عزتی
بیعت بهانه سینده جفا ماجراسی وار
بیرده اوگون کی سجده ده مزدور نهروان
ضربت وروب اوباشه کی وصلت هواسی وار
باش پارچالاندی آخدی عدالت ستاره سی
فکر ائتمه عالمین داهی بَدرُالدُّجیٰ سی وار
مولا دوشوبدی بستره حالدان حالا قالوب
زهر ایلیوب اثر نه توان و قواسی وار
شمع صفاسی آز قالوری تا سونوب گئچه
معراج عشقه چاتماقا خوشپَر هُماسی وار
پروانه تک شمع اودونا زینبی یانور
هر دم دیور بابا قیزیوین التجاسی وار
باشینده کی یاران گتوروب درده زینبی
هرچند دیلده فُزتُ و ربّک نواسی وار
آخر مگر علی دگوسن چاره قيل ئوزون
عالمده هرنه درد اولا سندن دواسی وار
تک قویما زینبی بو قرانلیق دیاریده
ويرانه كوفه ده قيزيوين غم سراسي وار
یوز دوتدی زینبه شرف عالم وجود
سويلوب قيزيم بوگوزياشيوين چوخ بهاسي وار
امّا چوخ آغلاما باباوین باش یاراسینه
ساخلاسرشک چشمیوی بیرغم مناسی وار
اوست ئورتولی دیوم سنه بومطلبی گئچيم
وار بیر بلا چولی باشیوین مین بلاسی وار
بیرباش بلا چولونده چیخار نیزه باشینه
تنها او باشدا اون ایکی خنجر یاراسی وار
تندن او باشی تشنه جدا ایلیر عدو
کوثر بالاسی تشنه وئره جان، رضاسي وار
نوك جداده قانلي باشا داش ورار او گون
بیر فرقه اي که دیلده شرف ادّعاسی وار
واربیرعمودیلن بولونن آیری باش قیزیم
نهرين یانیندا منظرۀ غم فزاسی وار
سقادی هنگ عشقه ولی تشنه جان وئرر
اوجوندا سو، ایچمز حسین دن حیاسی وار
زینب! نه لردیوم سنه اول دشت خونیدن
بيرچول كي صود امرين ده سووا التجاسي وار
اوچ شعبه اوخلا بوینونی تندن ئوزرعدو
باخمازلا تشنه دور دیلی یوخ آه وواسی وار
حتی او خوردا باش دا اولار نیزیه سوار
بیلمزله قانلی باشینه حسرت آناسی وار
زینب چوخ آغلاما آتاوین ماجراسینه
بیر باشه آغلا شامیده آه و عَناسی وار
قانلی دوداقینه وورولار خیزران قیزیم
بير كيمسه باخماز حسرت اونا اقرباسی وار
مجنون اولار حسینیمون عشقینده شیعه لر
قانلی مزارینه هامی قلبین هواسی وار
آچسان«مصیّبین»سینه سین فاش اولاراونون
ایللردی سینه ده هوس کربلاسی وار
- چهارشنبه
- 1
- اسفند
- 1397
- ساعت
- 12:55
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه