ای سپهر اخضرین ، تاج تولّاسی
با ولایت شیعه نین ، عالمده مولاسی
ای مه کامل - عزته نائل
افتخاریمدور اولام درگاهیوه سائل
((حبیب من ؛ یا ابالحسن
طبیب من ؛ یا ابالحسن))
گلمیشم درگاهیوه امّا سرافکنده
غرق عصیانم آقا قالین دی پرونده
گوشه چشمونله باخ بیر ، سائلم منده
سن منه سرور - من سنه نوکر
رسمیدی شه نوکرین حاجت روا ایلر
کان احسان و وفا عهده وفا ایلر
شیعه آدوندان سنون اخذ صفا ایلر
باصفا آدون آقا درده دوا ایلر
ای گل رضوان - حجت یزدان
قیل کرملی اللرونله دردیمه درمان
قیل عنایت بیزلره طاهایه خاطر سن
قووما قاپوندان بیزی سقایه خاطر سن
دعوت ایله قبریوه زهرایه خاطر سن
ای شه خلقت - خلقته حجّت
ایله بو جَمعه دل آرا قبریوی قسمت
ای کرامتدن غنی فرمانده خیبر
وی سخاوت معدنی داماد پیغمبر
ناامید ائتمه منی یا مرتضی حیدر
گلشنین سولماز - تارومار اولماز
شه گدانی درگهیندن بوش یولا سالماز
دست خالی گلمیشم امّا وار امّیدیم
خطّ سیریمده سنه وار عُمده تقلیدیم
مشکله دوشسم؛آچارسان یوخدی تردیدیم
ای شه ممتاز - معدن اعجاز
دفترینده آد یازاندا بیزلری ده یاز
- پنج شنبه
- 2
- اسفند
- 1397
- ساعت
- 12:11
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه