• پنج شنبه 9 فروردین 03


شعر ترکی عید غدیر -(مرتضیٰ قاف وقار و عزّتین عنقاسیدور)

418

مرتضیٰ قاف وقار و عزّتین عنقاسیدور
مرتضیٰ صهبای عشقین ساقی والاسیدور
مرتضیٰ الحق عبادت لفظنین معناسیدور
مرتضانی قوزویان عرش اوستونه تقواسیدور
لوح دلده مرتضیٰ عشقی خدا انشاسیدور
هر کیمین مولاسی طاهادی علی مولاسیدور


لفظ اتقی الاتقیادن مرتضیٰ منظوریدور
حکم تقویٰ و ورع بو حضرتین منشوریدور
جمله سرمستان بو ساقی جامنین مخموریدور
یئردن آرتیخ ساکنان عرش آرا مشهوریدور
سینه سی گنجینهٔ حق ، معرفت دریاسیدور
هر کیمین مولاسی طاهادی علی مولاسیدور


محضر طاهادن اخذ ایلوبدی حسن تربیت
بندهٔ حیّ توانادور امیر معدلت
پادشاه ملک عرفان دور خدیو معرفت
اولماز اولماز کیمسه ده بو عزّت و بو منزلت
واله و حیرانی دهرین عیسی و موساسیدور
هر کیمین مولاسی طاهادی علی مولاسیدور


وار یری کونینه ایتسین تا جهان وار افتخار
گورمیوب حاشا نظیرین بیره گورسون روزگار
طنطنه سالمش جهانه بو طراوتلی شعار
لا فتی الّا علی لا سیف الّا ذوالفقار
تا بیله عالم فتوّت مرتضیٰ سیماسیدور
هر کیمین مولاسی طاهادی علی مولاسیدور


خَلقی نیکو ، خُلقی نیکو، فعل و رفتاری نکو
حسنی احسن ، خلقه مأمن ، چشم بیداری نکو
سوزلری درّ و گهردن عالی ، گفتاری نکو
ثبت اولوب تاریخ لرده قالمش آثاری نکو
رادمرد عالم آثاری ، جهان ابقاسیدور
هر کیمین مولاسی طاهادی علی مولاسیدور


حسن ایثار علی عالم لری حیران قویوب
بستر طاهاده یاتدی زندگی رختین سویوب
جان جوانلقدا شیرندی بو جوانلقدان دویوب؟
حکم ایثاریله دلدن حبّ دنیانی اویوب
زمرهٔ کرّوبیان اوندان علی شیداسیدور
هر کیمین مولاسی طاهادی علی مولاسیدور


یوم خندق ضربتی خندقده سالدی طنطنه
عرش و فرش اهلی گلیب نطقه دل آچدی احسنه
درس اخلاص ئورگدبدیر جمله دوست و دشمنه
محض لله کسدی عمرین باشنی ، احسن سنه
طاعت الثّقلین دن باش ضربت اعلاسیدور
هر کیمین مولاسی طاهادی علی مولاسیدور


مرحبا ، اولدی ولایت حصنی معبوده حصار
قائم اللیل اولدی عمرونده گونوزلر روزه دار
بیر بیله جنگ و جدل ، محض خدا ایثار ثار
بنده لیق تاجین بیلیب باشنده تاج افتخار
فعل و رفتار علی ئوز عشقنین گویاسیدور
هر کیمین مولاسی طاهادی علی مولاسیدور


بیر علی که جنگ لرده فارس میدان اولا
بیر علی که نقش لعلی آیهٔ قرآن اولا
بیر علی که عنصر جسمی هامی ایمان اولا
الحق الحق ملک دین ده حقلی دور سلطان اولا
جنّ و انسین حکم حقدن مرتضیٰ آقاسیدور
هر کیمین مولاسی طاهادی علی مولاسیدور


زادگاهی بیت حقدی کعبه نین فرزندی دی
دل ویریب پیغمبره ، پیغمبرین دلبندی دی
خندهٔ گل دن طراوتلی گوزل لبخندی دی
کون و امکان بو گلون لبخندنین خرسندی دی
خلقتی زیبا علی ، زیبا لرین زیباسیدور
هر کیمین مولاسی طاهادی علی مولاسیدور


عقلی حیران ایلیوب ایثارینه ایمانینه
قویمیوب یتسین خطر پیمانهٔ پیمانینه
قونمیوب گرد مذلّت گوشهٔ دامانینه
تا نفس وار حافظ اولدی دینینه قرآنینه
ورد و ذکر و همّ و غمّی دین حق احیاسیدور
هر کیمین مولاسی طاهادی علی مولاسیدور


ردّ اولوب سر حدّ عقلی ساز عشقی ساز ایدیب
اوچ طلاق ایلوب جهانی تخت و تاجه ناز ایدیب
عارف کاملدی عرفاندا بویوک اعجاز ایدیب
طرفة العین ایچره عرش اعظمه پرواز ایدیب
سینه سی عشق و محبّت نورنین سیناسیدور
هر کیمین مولاسی طاهادی علی مولاسیدور


عشق موساسی پیمبردور اونا هارون علی
جانشین مصطفادور بی چرا و چون علی
لا یه معنیٰ بخشن اولان بین لناده نون علی
گورسون حاشا بار دیگر بیرده بو گردون علی
فی اطیعو الله اولوالامر حکمنون داراسیدور
هر کیمین مولاسی طاهادی علی مولاسیدور


آج قالیب گونلرله ، مسکینه غذاسین بذل ایدن
تازه البسّه غلامه بذل ایدیب کهنه گئین
بذل ایدیب وارین ، رسول الله له نجوا ایلین
قاب قوسینه اراده ایلیوب فوراً گیدن
مونس دل ، نقش لبلر اعظم الاسماسیدور
هر کیمین مولاسی طاهادی علی مولاسیدور


ای (هدایت) مرتضیٰ مدحینده عاجزدی قلم
حاش اولا حقّی ادا هر قدر ده سعی ایلسم
مرتضیٰ حقّین بیلن طاهادی اللهَ قسم
روز محشر قدرینی بولّوخ اله آلسا علم
بو ولایت تختنین سلطان بی همتاسیدور
هر کیمین مولاسی طاهادی علی مولاسیدور

  • پنج شنبه
  • 2
  • اسفند
  • 1397
  • ساعت
  • 12:31
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران