• پنج شنبه 9 فروردین 03


متن شعر ترکی در مدح و منقبت حضرت امیرالمومنین علیه السلام -(محرم اسرار علم حی یکتا دور علی)

597

محرم اسرار علم حی یکتا دور علی
بدو خلقتدن قاباق هر علمه دارادور علی
متن لولاک لماده شرح لولادور علی
بائ بسم اللهه زینت نقطه بادور علی
جن و انسه کائناته یعنی مولادور علی


روح بخش بوالبشردور فیض بخش کائنات
هر نبی دوشدی بلایه مرتضی ویردی نجات
خضر پیغمبر بو مولادن آلوب آب حیات
ایلدی یعقوبی بینا یوسفه ویردی نجات
کون وامکان ایچره هر ممکندن اعلادور علی


منکر مولا ندور سنده قساوت ، شک و ریب
یاندورار نار جهنمده سنی بو نقص و عیب
اولماسیدی نصرت مولا اگر در حال غیب
حضرت موسی وصالین درک ایدنمزدی شعیب
هم شعیبه رهنما هادیِّ موسی دور علی


حبِّ حق قلبینده میل اوج رفعت ایلدی
هر نکات رقعۀ تقدیره دقت ایلدی
طور سینایه کلیم اللهی دعوت ایلدی
ربی ارنی سویلدی موسی جسارت ایلدی
لن ترانی لفظینه معناده گویادور علی


نخلیدن ظاهر اولاندا نور حقّین جلوه سی
یتدی موسی سمعینه انی انااللهون سسی
هر یانا ایتدی نظاره گورمدی هیچ بیر کسی
فَاالتَجَلّا لِلجَبَل موسانی جذب ایتدی بسی
جوهر نور خدادن بیر تجلادور علی


کیم مُسَخَّر ایلدی الیاس ایچون دریالری
کشتی نوحین کیم اولدی ساخلیانی لنگری
کیم بشیکده قدرتیله ایکی بولدی اژدری
کیم سرافراز ایلدی معراجیده پیغمبری
انبیایه اولیایه یار والادور علی


کیم خلیله نار نمرودی گلستان ایلدی
کیم ذبیحه لطف اوزیله فدیه احسان ایلدی
حضرت یحیایه اعطا زهد و ایمان ایلدی
کیم نفس ویردی مسیحه قادر انسان ایلدی
عین تقوا زهد یحیا روح عیسادور علی


غیر ذات کبریا یوخدور بو مولادن قدیم
اسم اعظم دور آدی انجیل و توراته علیم
قاصر قصر جنان و آمر نار جهیم
مصدر فیض الهی صاحب لطف عمیم
هم یوز اون دورت سورۀ قرانه معنادور علی


فاتحه فتح علیدن بیر علامتدور یقین
سورۀ دوم بقرده لو تَسُرُّ النَّاظِرِینَ (1)
آل عمران و نسا و مائده انعام دین
معنی اعرافیدور انفال دور حبل المتین
توبه نی یاد ایلینده رحمت افزادور علی


عین یونس هود و یوسف رعد وصفیندن نشان
بلکه ابراهیمیده کشف اولمادی راز نهان
ایلدی ختم رسل بیر کلمه سرّیندن بیان
مرتضی هر سوره ده هر آیه ده واردور عیان
شاهد برهان و حجر و نحل و اسرادور علی
ـــــــــــــ
(1) بقره آیه 69

  • پنج شنبه
  • 2
  • اسفند
  • 1397
  • ساعت
  • 20:6
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران