• پنج شنبه 9 فروردین 03

 احمد پوریا

متن شعر ترکی مدح و منقبت حضرت امیرالمومنین علیه السلام -(علیدور معنی عَدل و عدالت)

937
1

علیدور معنی عَدل و عدالت
علیدور سر زِپا عشق و شرافت

علی غیرت ،علی منت، علی حق
علیدور رهبر دین و امامت

علی نور دل خَتم رُسُلدی
بودور جَنَّت ،بودور شاه ولایت

علی تابنده خورشید سَمادور 
علیدور صبح وشام ایتدی عبادت

ملکلر نور آلار ماه رُخیندن
ایدلّر گونده مولانی زیارت

پیامی حَقدی، عِرفاندور علینون
کلامی چشمه ی آداب و حکمت

علیدور ناخدای کشتی دین
وجودی عَفو و احسان و عنایت

علیدور باغ و بُستان دین و ایمان
علیدور حُور و غِلمان کان رَافت

علیدور شهریار مُلک امکان
علیدور تَحت فرمانینده اُمَّت

علینون مَکتبی دانشگهِ کُل 
اونون سلمانی دُنیایَه کِفایَت 

علی تاریکی شَبده، خدایا
نِقاب اوزده ایدردی خَلقه نُصرت

علینون دِلبری خَیرُ النِّسادی
نجه همسر اوزی دریای عصمت

بالالاری اونون دنیایه سرور
هامی ،کان کرامت با لیاقت

علی میدانیده فَتاح خیبر
ولی مظلوملارا ایلردی خدمت

علیدور ناطق آیات قران
ایدوبدی جان کیمی دیندن حفاظت

گُل خوشبوی باغ دین علیدور
علیدور مِثل خالق کان رحمت

علی یِکه سوار راه حقدور
علیدور اُسوِه یِ عِلم و فقاهت

علی اگلشمدی تخت زر اوسته
ضعیفاندان ایدوب مولا حمایت

علی عالی، علی شمس هدادور
علی ظالملره ایتمزدی بیعت

علیدور شیر یزدان جان جانان
علیدور منبع جود و سخاوت

بُیوتمه زاهدا مَحشر هَراسین
علیدور شافع یوم قیامت

یاز ای « پوریا » علی مدحین دمادم
یقین بیل حَشریده ایلر شفاعت


  • پنج شنبه
  • 2
  • اسفند
  • 1397
  • ساعت
  • 20:14
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران