کون ومکاندا فاطمه دور خیرةالنساء
کلّ زماندا فاطمه دور خیرةالنساء
جمله جهاندا فاطمه دور خیرةالنساء
سکّز جناندا فاطمه دور خی خیرةالنساء
غبطه مقام و رتبه سینه ایلر انبیا
ایلّله آرزو درجاتینی اولیا
شهر جماد ثانیه نون یرمی سینده کون
حقیّله باطلون آراسیندا سالوبدی بون
یعنی قدوم فاطمیه حق اولوبدی عون
ویردی تراب تیریه بیر روشنائی لون
سکّیز بهشته رشک اولوب توده ی تراب
یدّی جهیمه مقدَم زهرا سپوپدی آب
خلاقه ی فضیلت و عصمتدی فاطمه
دارنده ی تمامی عفتدی فاطمه
دریای فهم و دانش و حکمتدی فاطمه
شه بانوی اریکه ی عزتدی فاطمه
محبوبه ی خدا و پیمبردی بو خانم
هم همسر شریفه ی حیدردی بو خانم
ام الائمه کیمدی به غیر از خانم بتول
اون بیر حجج آناسی اوزی دختر رسول
درک نجابتنده قالوب عجزده عقول
فیضیندن آفتابیدی بیر رحشه السیول
کوه حیا و شرم ووقار وسکینه دور
هر خوش صفتّده بی بدل و بی قرینه دور
پیغمیریکه جمله جهاتی شریفدی
زهرا عبادتنده اونونیلان ردیفدی
هر کس گمان ایده که بو بانو ضغیفدی
یا قوه سی بدنده یوخیدی نحیفدی
ایتمش غلط گمان عدم اطلاعدن
فکر نده اندیروب قمری ارتفاعدن
نفس قو یه سی بیله پاک و طهوردی
آیات نوره هیکلی مشکات نوردی
نیک و بد حیاتده دایم شکور ی
هر امرده ولیسی خدای غفوردی
افطارین اوچ گجه ایلدی بذل باخصاص
تا هل اتاده مشترکا تاپدی اختصاص
هر بیر صفتده وارثه دورچون پیمبره
تسلیم صرفدی هامی فرمان حیدره
بیر مخلصه کنیز اولوب حیّ داوره
عند الله اولدی طیّبه و هم مطهره
تحکیم ایدوب خلوصی عبادات پایه سین
تاشامل ایتدی حالنه تطهیر آیه سین
تقوا و خوف وخشیتی وصفه گلن دگل
حال خشوع و وحشتی وصفه گلن دگل
دشمن گوزونده هیبتی وصفه گلن دگل
نطقیله دینه خدمتی وصفه گلن دگل
بسدور شهامتنده عدونون تخضّعی
بسدور کرامتنده رسولون تواضعی
چون متصلدی قوّه ی قلبی خداسنه
باخمازدی نفسنون ابدا اقتضاسنه
علت اودور که غالب اولوب مدّعاسنه
سالدی رضای حقی قباق اوز رضاسنه
معصومه اولدی وردی قدم شاه راهده
تاپدی مقام ارفعی قرب الاهده
زهرا متانتینده هانی بیر نفر کیشی
تا بنزیه نبی و ولیّه تمام ایشی
الله گورن کیمی گوره اکواندا گردشی
هیچ اولمیا یانندا جهانون بیر ارزشی
آتمشدی بو گذر گهون اموال و جاهنی
پیوسته آختاروردی رضای الاهنی
کلیه ی نِساء بشر مریم اولسا گر
کلّی سینون مناعتی مستحکم اولساگر
اول منعلر بری برینه مدغم اولساگر
مین اولقدرده اونلاریلان باهم اولساگر
یتمز یقین مناعت زهرایه جمله سی
شخصیت بتوله دی چون سایه جمله سی
بیر گون رسول منزلینه ایلدی ورود
ایتدی سلام فاطمیه بس دیوب درود
خواهش ایدوب غذای مناسب پس از قعود
روح بتول ایتدی خدایه طرف صعود
مسترزق اولدی مائده گلدی بهشتدن
مشعوف اولوب دل نبی اول حق سرشتدن
آز عمرده نه چوخلی کرامات گستروب
ملکوتیدن عجیبه علامات گستروب
نچه یتن اجابته دعوات گستروب
جن و ملکدن علم سماوات گستروب
شک ایلمز کرامت زهرایه اهل دین
عارفدی چونکه حقنه بالقطع والیقین
بو بانوی معظمه نی مدح ایدوبدی حق
عاجزدی شرح و وصف کمالنده ما خَلَق
کوی مبارکنده دی "عاصم" بسان بق
بونلان بله نجه بومگسده اولور نطق
تامدحت ملیکه ی کؤنی ایده بیان
ایتسه بیان یقین ایدر اوز نقضینی عیان
- سه شنبه
- 7
- اسفند
- 1397
- ساعت
- 19:1
- نوشته شده توسط
- ابوالفضل عابدی پور
- شاعر:
-
مرحوم محمد امیدی
ارسال دیدگاه