کیمدی زهرا عشق پاکی قلبی میزان ایلیر
هرکسه ایتسه نظر محبوب جانان ایلیر
کیمدی زهرا پاک آدوندان عفتون عطری گلور
باحیا عورتلری بانوی نسوان ایلیر
کیمدی زهرا روح تقوا عشقه معنادور آدی
مجلس عاشقلری چون باغ رضوان ایلیر
خلق ایدوب پیغمبری زهرایه خاطر رَبِّ حَی
رحمتةٌ لِلعالمین خَتم رسولان ایلیر
فخر ایدر گر حضرت مریم که بیر عیساسی وار
اون بیر عیسایه خانم ناز فراوان ایلیر
بیر بیره دگسه دوداقلاری دانیشسا سوز خانم
قیمت یاقوتی بازاریده ارزان ایلیر
حضرت ابراهیمی اوتدان ایدوب عشقی خلاص
ناری زهرایه گوره الله گلستان ایلیر
دُخت طاها فاطمه اعجازی وار عالملره
ایستسه مَخروبه نی قصر سلیمان ایلیر
من کیمم مدح ایلیم زهرای والا منصبی
باخ کنیزه فِضه سی تفسیر قران ایلیر
« لَن تَنالو بِرَّ » باخ تفسیر ایله بو آیه نی
طوی لباسین تک فقط زهرادی احسان ایلیر
ای بو درگاهه اولان خادم هامی آگاه اولون
باوفا عاشقلری مِنّایِ سلمان ایلیر
عشق زهرادور علینی قهرمان بدر ایدوب
وَر نه حاشا که علی خیبرده طوفان ایلیر
بازوان حیدره قوَّت ویروبدور فاطمه
قدرت زهرا علینی مرد میدان ایلیر
کیمدی زهرا دورت گولون الگو ایدوب دنیالره
آدم و حاتملری مجنون و حیران ایلیر
اورگدوب درس شجاعت ذلته باش اگمسین
حضرت ثاراللهی دنیایه سلطان ایلیر
خیره النسوان اولا ایکی جهانه بیر آنا
بس یقین بیل اوغلونی شاه شهیدان ایلیر
اولسا گر زهرا معلم زینبی شاگرد اولار
بس بَجردر قهرمان مین مرد مردان ایلیر
حضرت زهرا بالاسی روز عاشورا حسین
وار یوخون دار و ندارین دینه قربان ایلیر
یا خانم زهرا اوزون گل کربلا صحراسینه
شمر دونین خنجری ظلمی نمایان ایلیر
قتلگاهه بیر اوجا بویلی خانم عزم ایلوری
گوییا زینبدی سرعتده شتابان ایلیر
سسلوری قارداش حسین گلدیم یتم امدادیوه
بی کسم اخیامیده قیزلارون افغان ایلیر
چون یتیشدی قتلگاهه ال آتوبدور خنجره
گور نجه خنجردی کی خَلقی هراسان ایلیر
حیدر و زهرا اوپن ال قانیلن الوان اولوب
باجی قارداش یاره لی تسبیح یزدان ایلیر
یا رسول الله اوزون باخ کوفه اهلی نیلوری
بیر بیله ظلمی نه انسانلار نه حیوان ایلیر
ایستدی باشین جدا ایتسون او شمر بی حیا
سس گلوب جان جان بالا دشتی پریشان ایلیر
حُزن و اندوهی دوتوبدور کربلانون دشتینی
ناله ی جانکاهی حتی شمری گریان ایلیر
سسلدی زهرا اوغول گلدیم بو قانلی منزله
ال بوشام اما آنان بو امری جبران ایلیر
منزلین اولسون مبارک یات اوغول چوخ خسته سن
بو گیجه خولی ایوینده نوری پنهان ایلیر
بو باشون چوخ ماجراسی وار حسینیم آغلارام
کوللر اوسته مریم و سارانی مهمان ایلیر
اول پیمبر سینه سینده استراحت ایلین
ایندی کول اوسته یاتوب زهرا گوزون قان ایلیر
هر کیم عالمده سنی سسلنسه امداد ایتگلن
نوکره اربابیلر احسان شایان ایلیر
ناامید اولماز کیمون واردور مریضی (پوریا )
گوشه ی چشمونله باخسا درده درمان ایلیر
پاک ارادیلن چاقور داده اگر وار مشگلون
اولسا هر مشگل حسینیمدور که آسان ایلیر
- سه شنبه
- 7
- اسفند
- 1397
- ساعت
- 19:17
- نوشته شده توسط
- ابوالفضل عابدی پور
- شاعر:
-
احمد پوریا
ارسال دیدگاه