آسمان عصمته ناموس اکبر فاطمه
سورة قرآنیدور شأنینده کوثرفاطمه
دامنی پروردة عرش خدانون زینتی
معرفت چرخینده اون بیرماهه مادر فاطمه
تاج سردورآدمه هم عالمه ختم رُسُل
سرورکونون باشیندا سنسن افسر فاطمه
میوة باغ وجودی ای اولان چون مُجْتبی
زینب وکلثومه سنسن عشقیده پر فاطمه
گلستانوندا آچوب گل خامس آل عبا
جان بجردن دامنی ای ثار پرور فاطمه
مقتدای حضرت عیسی وموسادی بوگل
باغبانی سنسن ای ربّان اطهر فاطمه
قانلی کوینک اَلده گلسن روز محشر محشره
محشراهلین آغلادارسان روز محشر فاطمه
دامن پیغمبرین امّت دوتارتا یانماسون
فاطمه دور قبریدن سسلر پیمبر فاطمه
قدری ای مجهول اولان دوریوم حسرت دوربوگون
وقت اولوب حکم ایلسون یزدان داورفاطمه
حرمله قوی اوخ آتا آل اصغری آغوشیوه
کربلاده گور نه چکدی اوغلون اصغر فاطمه
بیرده سسله ایّ ذَنْبٍ حرمله ویرسون جواب
مطرح ایت کرب و بلانی ایله محشر فاطمه
نخل امید وار سنه «عدلی» دمنده نفخ صور
قوخما ایلر خادمه جنّت میسّر فاطمه
- چهارشنبه
- 8
- اسفند
- 1397
- ساعت
- 20:0
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه