ای وفا گنجینه سی نو گل طاها
عصمتون آئینه سی حضرت زهرا
باغ جنانه ای گل زیبا
اولسون مبارک مقدمون زهرا
میوه باغ جنان نور الفتدی
صورتون لطف و صفا گلشنه گتدی
گویده قوشلار سسلنور حسنوه به به
بلبلون خوش نغمه سی گلدن آیتدی
بو گل یوزوندن شاد اولوب گلشن
ختم النبینون گوزلری روشن
محرم سر نبی راز خلقت سن
گر چه جسمون یئرده دی عرشه زینت سن
آدوی هرکس دئسه نا امید اولماز
کایناته شبهه سیز باب رحمت سن
آل عبایه مایلم د والله
منده قاپوندا سائلم والله
انتِ بنت المصطفی صاحب کوثر
خیر من وطا الحصی شاهینه دختر
زینت بیت نبی جلوه سی حورا
سرور کل نسا مونس حیدر
اهل کسانین مادری سن سن
شیر خدانین یاوری سن سن
شمع سن سن فاطمه شیعه پروانه
عقل کل سن سن هامی جمله دیوانه
تا در احسانوه آشنا اولدوم
شاه و حاتملره منه اولدی بیگانه
کویونده سائل دردمنداندی
خیل کنیزون جمع نسواندی
عترت عشقون سینمه بسلرم زهرا
دردیم اولسا آدوی سسلرم زهرا
من گنهکارم خانم چوخ گناهیم وار
سن شفاعت ائتمه سن نیلرم زهرا
چشم امیدیم سنده یا زهرا
قویما اولام شرمنده یا زهرا
- چهارشنبه
- 8
- اسفند
- 1397
- ساعت
- 20:46
- نوشته شده توسط
- ابوالفضل عابدی پور
- شاعر:
-
ابوالفضل عباسی معروفان
ارسال دیدگاه