• پنج شنبه 9 فروردین 03

 سید تقی سیفی اردبیلی

متن شعرترکی در مدح حضرت امیرالمومنین علیه السلام -(علی آیینه اوصاف خدا )

489
1

علی آیینه اوصاف خدا 
مایه منزلت ارض و سما

خلقتون دفترینه زینت علی 
قدرت لم یزله حجّت علی 

اُسوه دور نورٌ علی نور علی 
علمیده عدلیده اُسطوره علی

عالمی شأننه مفتون ائلیوب 
مَلکی لطفینه مدیون ائلیوب 

عشق سائلدی علی محضرینه 
حوریلر بوسه وروب اللرینه 

بو حدیثی که قلم نظمه چکور 
معرفت باغینه بیر گُلدی اَکور

ساتورام اهل دله سوز گهری
یاخشی آل خیره دولاندیر ضرری 

مصطفی ماخلقه سر کرده 
بیر گون اگلشمشیدی منبرده

صحبت آچمیشدی الوهیتدن
دانشاردی هدف وحدتدن 

شادیدی ختم نبی انصاری 
رونق اوسته ایدی ولا بازاری

گرم گفتاریدی شاه دوسرا 
مسجده قویدی قدم شیر خدا 

دوشدی طاها گوزی تا کرّاره 
رشته صحبتین ائتدی پاره 

سسلدی ای اسدالله علی 
خلقه مندنصورا شایسته ولی 

کامیاب ائت منی دیداروندن
گل ئوپوم بیر گل رخساروندن

تا که دل تاپدی نشان دلبردن
گوردیلر دوشدی نبی منبردن

صورت حیدره دوشجک نظری
خسته دور گوردی وار آلنندا تری

دیندیروب حیدری اول وارسته
آلنینون سیلدی ترین آهسته 

خلقی مبهوت ائلیوب حکمتینه
یاخدی ئوز سینه سینه صورتینه 

گورسدوب اُمّتینه عشق یولین
دئدی انصارینه سیز شاهد اولون
 
من علیدن گزورم فیض ئوزیمه 
یاخدیم آلنندا که تردن یوزیمه

واردی سرّی آلا بیلسوز سوزومی 
متبرّک ائلدیم من ئوزومی
 
بو بیلر سرّ نظام فلکی 
بو ائدوبدور متبرّک مَلکی

کنز حقّون بو علی گوهریدی
ماسوا اهلی بوتون حیدریدی

تک نه خیرالبشر عاشقدی بونا
ملک و حوریلر عاشقدی بونا

سنده بیر فکر ائله گور کیمدی علی 
عالم و آدمه حاکمدی علی 

کافر اولّام دئسم اللهدی اگر 
ها علیٌ بشرٌ کیف بشر

کیمدی اوصافینی بیربیر سانیا 
عقل حیراندی علینی تانیا 

عشق فتواسینی مُجرا بیلورم 
شیعیم حیدری مولا بیلورم

گرد نعلینین ئوپم مشتری ام
من علی نوکرینون نوکری ام


  • جمعه
  • 10
  • اسفند
  • 1397
  • ساعت
  • 18:19
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران