حجت الهی قدم قویدی بو جهانه
شیعه ایستور آلسون آقا سندن عیدیانه
یار و یاورون باقرا خدای تبارک اولسون
بو ولادت باسعادتون چوخ مبارک اولسون
نور چشم زهرا آدون شیعیانه جاندی
عطر روی ماهون گوزل نکهت جناندی
آتش فراقه دل زار شیعه یاندی
جان فدالرون سویلیور ایندی عاشقانه
بو جهانه قویدون قدم حجت الهی
سنسن ای ولی خدا عالمون پناهی
دهریده اولارسان آقا شیعه دادخواهی
سنسن هر زمان بیزلره یار پشتوانه
یمن مقدمونن اولوب یر یوزی گلستان
آچدی گل چیچکلر اوخور قمری غزلخوان
فخر ساجدینی ائدوبسن بوگون خرامان
عشقون ایلیوبدی آقا سینه لرده لانه
حکم علمی مولا یقین حقیدن آلارسان
دهریده شکافننده ی علم حق اولارسان
حاکمان لامذهبی تختیدن سالارسان
جاودانه ساخلار سنون آدیوی زمانه
- پنج شنبه
- 16
- اسفند
- 1397
- ساعت
- 16:36
- نوشته شده توسط
- ابوالفضل عابدی پور
- شاعر:
-
حاج فرهاد فکری اردبیلی
ارسال دیدگاه