ای صَبا یولون سال بوگون عشقیله، مدینیه
دُرّه مشتریسن یتیر تز اوزون، خَزینیه
باقرُالعلومون اوپ گوزل قَدَم لرین
بیر به بیر گَتور دیله اورکده سوزلرین
یا مولانا آقام آقام یا مولانا
عرض ایله اَیا، باقرُالعلوم
گول جَمالیوه، من فدا اولوم
طواف ایدیم قَدّ شمشادیوی
اجازه ویر سَسلییم آدیوی
یا مولانا آقام آقام یا مولانا
زین العابدین منزلین ایلیوب، بو گول جِنان
حَیّ داوَرین قُدرتین ایلیوب، گینه عَیان
وار دَلیلی دویمارام بو نورِ عِینیدن
هَم حَسَندن عطر آلوبدی هَم حُسینیدن
قلبِ شیعیان گورنه دینجَلوب
چون نشانه ی پَنج تَن گلوب
گلوب سالا عالَمی حیرته
باخون آقامدا اولان عزّته
یا مولانا آقام آقام یا مولانا
شُهرَتون دوتوب عالَمی سَربه سَر، مقامه باخ
جَهل ریشه سین تیغِ عِلمون کَسَر، مقامه باخ
بَحرِ علمِ اَنبیالری (یاران) گلوب
پَنجمین امام و یار شیعیان گلوب
نورِ ذاتِ حَق، چِهره سینده وار
شیعه لَر اَلین هر زمان دوتار
عنایت ایت (بیکَسم)، قیل کَرَم
مدینه یاز، بیرده بینُ الحَرَم
یا مولانا آقام آقام یا مولانا
- یکشنبه
- 1
- فروردین
- 1400
- ساعت
- 15:51
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه