افتخاریم آتام ، شأن و وقاریم آتام
اعتباریم آتام ، دار و نداریم آتام
واگیر :
سروریم ، دلبریم
اوچماقا شهپریم
قول قانادیم (2)
دایاقیم ، شهرتیم ، تاج سریم ، عزّتیم
زر با ارزشیم ، عالی عیاریم آتام
اوچماقا شهپریم ، قول قانادیم ، یاوریم
یار بی منّتیم ، غم گونو یاریم آتام
گوزلری یاتمیان ، خلقه منی ساتمیان
سروریم ، دلبریم ، ایل و تباریم آتام
شرفیم ، شوکتیم ، شادی و گرمیّتیم
گورماقا گوزلریم ، زیب کناریم آتام
یار با همّتیم ، دل ده سوزوم صحبتیم
عِرض و حیثیّتیم ، باغ و بهاریم آتام
نیّر رحمتیم ، بدر شب عشرتیم
غیرتیم ، هیبتیم ، صبر و قراریم آتام
نغمه سی جان سسی ، صحبتی یزدان سسی
الی الله الی ، یرده کی تاریم آتام
نفسیم ، وارلقیم ، جان جگریم ، زندگیم
چشم اهریمنه سهملی خاریم آتام
اللرین مین دفعه آزدی (هدایت) ئوپه
رفعتیم ، دولتیم ، شعر و شعاریم آتام
- پنج شنبه
- 23
- اسفند
- 1397
- ساعت
- 14:10
- نوشته شده توسط
- ابوالفضل عابدی پور
- شاعر:
-
محمد هدایتی
ارسال دیدگاه