جان تاپدی بیت الهی
شیعه نون پشت و پناهی
مژده ای دل جانان گلدی
دردیمیزه درمان گلدی
سسله با صوت جلی
علی علی یا علی(2)
چهره سی چون ماه درخشان
لبلری چون غنچه خندان
ایکی شهلا گوزلر زیبا
قاشلاری بی مثل و همتا
سرو قدی زیبادی
شیعه لره مولادی(2)
علی علی یا علی(2)
گول آچوب گلشنده چیچک لر
شاد و خندان فوج ملک لر
بزنوبدور یکسر جنت
سنه خاطر ای مه طلعت
شافع یوم محشر
فاتح درب خیبر(2)
علی علی یا علی(2)
صورتی والشمس و ضحادی
تللری واللیل و دجادی
واردی شانینده چوخ آیه
اوخشیور صورتی آیه
شه ملک محشردی
هامی آدین ازبردی(2)
علی علی یا علی(2)
ای رکن خانه ایمان
وی یار و یاور قرآن
تیغون اماس برّنده
ایلین قرآنی زنده
عرشه آدون زیوردی
ورد و ذکرون داوردی(2)
علی علی یا علی(2)
شاهلار درگاهینه بنده
عشاقی دشت و دمنده
داده سسلولّر یا مولا
ای سرور قلب طاها
عشقون فرهاده جاندی
جانیم سنه قرباندی(2)
علی علی یا علی(2)
- پنج شنبه
- 23
- اسفند
- 1397
- ساعت
- 14:14
- نوشته شده توسط
- ابوالفضل عابدی پور
- شاعر:
-
حاج فرهاد فکری اردبیلی
ارسال دیدگاه