ای قارداشیمون وارثی ای صاحب دوران
گل عمه وه خاطر سنه عمه ن اولا قربان
گل شیعه نی یغ باشیوه کفار آراسیندان
بو داعشی نابود ایله احرار آراسیندان
گل قبریمی آزاد ایله اشرار آراسیندان
زهرا کیمی گل قبریمی قویما اولا پنهان
ظلمون علمی سایه گینه سالدی بو یرده
گل خرداجا عمه ن گینه تک قالدی بو یرده
گل دوره سینی داعشیلر آلدی بو یرده
شاماتیده زجریله سنان اولدی نمایان
قارداشیم حسینه دئمیرم حالیمه یانسون
عباسی خبر ایلمیرم فکریمه قالسون
راضی دگولم بیرده رقیمدن اوتانسون
گل سن منه امداد ایله ای ناطق قرآن
گل ای هامی عالملرین ارباب و آقاسی
گل عمه٬ گلن یولاریوین شیعه فداسی
گل عجل اولوبدور هامونین دیلده دعاسی
ای قائم و منصور اولوب آدیوه عنوان
ای شأنی ازلدن منه معلوم و هویدا
ای عارضی گون زلف سیاهی شب یلدا
الهام ائلدیم دفتره یازسون سوزی «شیدا»
قالمیشدی نه یازسون اونی چوخ قویما پریشان
- پنج شنبه
- 23
- اسفند
- 1397
- ساعت
- 17:10
- نوشته شده توسط
- ابوالفضل عابدی پور
- شاعر:
-
محمدرضا صادقی
ارسال دیدگاه