مژده ای دل که جهانه ساقی کوثر گلیبدی
نورحق اولدی نمایان حضرت حیدر گلیبدی
عالمه سرورگلیبدی
ساقی کوثرگلیبدی
شاداولون ای اهل عالم
حضرت حیدر گلیبدی
یاعلی حیدر مدد....
کعبه دن نور الهی قوزانیب عرش خدایه
گلدیلر گویدن ملکلر پیشوازه مرتضایه
عرش وفرش اولدی چراغان
گلدی شاه ملک ایمان
شیعه لر مولاسی گدی
حق ائدیبدورلطف واحسان
یاعلی حیدر مدد....
مقدمینن کعبه تاپدی عزت وجاه وشرافت
حی اعلا عالمینه ایلدی لطف وعنایت
شیعه لر مولاسی گلدی
گوهر زیباسی گلدی
اولین ماه امامت
عالمین آقاسی گلدی
یاعلی حیدر مدد....
کیم گوروب حسن وجمالین شوکتینن قالدی حیران
سسلنوب گویده ملکلر جانیمیزبوشاهه قربان
باعث خلقت علیدی
معدن عزت علیدی
همدم ویارپیمبر
مخزن غیرت علیدی
یاعلی حیدر مدد....
ای شه ملک ولایت ای امید اهل عالم
وی گل باغ امامت افتهار نسل آدم
دل توتوب گورنه بهانه
هی گلور غمنن فغانه
رومیلادیندی آقا
وئر بوجمعه عیدیانه
یاعلی حیدر مدد....
ای شهنشاه دوعالم بیرنولی ائتسن عنایت
سن بولورسن باشدا واردی یاعلی شوق زیارت
ایله بوحضاره احسان
اولماسین دل غصه دن قان
ای کرم کانی کرم قیل
تا گلاخ قبریوه مهمان
یاعلی حیدر مدد....
- یکشنبه
- 26
- اسفند
- 1397
- ساعت
- 13:51
- نوشته شده توسط
- ابوالفضل عابدی پور
- شاعر:
-
داود قره زاده
ارسال دیدگاه