عرش معلا بزه ندی
جنت الاعلا بزه ندی
شاهد فرزانه گلدی
ساقی میخانه گلدی
چشم خدا آچدی گوزین گاهواره ده
شور وشعف واردی قمرده ستاره ده
مرتضادی مقتدادی
پنجه سی مشکل گشادی
(بند مخالف)
ذات پاکی کیمیادی
مسلمینه رهنمادی
حامی بی پناهان عالم
حافظ قلعۀ دین خاتم
مرتضادی مقتدادی
پنجه سی مشکل گشادی
قبله اهل یقیندی
خطبه سی شور آفریندی
شاهد ثابت قدمدی
جاهد ثابت کرمدی
هرگیجه ایودن چیخاردی الده هدیه سی
یاده سالاردی آتاسیزلاری بی کسی
خاطراتی بی کراندی
نام پاکی جاویداندی
(بند مخالف)
اصل معنای عبادت
رفع رنج بی بضاعت
یوخسا بی محتوادی عبادت
بی عبادتلره یوخدی جنت
مرتضادی مقتدادی
پنجه سی مشکل گشادی
قائد اعظم علیدور
مرشد اعلم علیدور
جاهد شوریده سردی
هیکل دینه سپردی
لایق کرسی خلافتدی مرتضا
صاحب ناموس و شرافتدی مرتضا
عرصه لرده قهرماندی
بینوایه مهرباندی
(بند مخالف)
سینه سینده یوخدی کینه
اللرینده واردی پینه
عدلی برپا ایدن ذوالفقاری
راه عشقین بودور سربداری
مرتضادی مقتدادی
پنجه سی مشکل گشادی
بادۀ عشقین خماری
عرصه لرین نامداری
نشئۀ فیض عبادت
تشنۀ جام شهادت
باشینه خنجر توخانان وقته مرتضی
سسلدی دینلدی علی شاهد اول خدا
دردالیندن شعله بارم
وصل یاره بیقرارم
(بند مخالف)
حق دانیشدی حقه چاتدی
پرچم دینی اوجالتدی
سرفراز ایلدی شیعیانی
اولدی زیبا آدی جاودانی
مرتضادی مقتدادی
پنجه سی مشکل گشادی
- یکشنبه
- 26
- اسفند
- 1397
- ساعت
- 14:25
- نوشته شده توسط
- ابوالفضل عابدی پور
- شاعر:
-
استاد حسین غفاری اردبیلی
ارسال دیدگاه