یاحسین زینبون وئرور جان
گل اوخی باشیم اوسته قران
زینبی یوخدی یاد ائدن گل
ای وئرن جانینی لب عطشان
شامه گل_گوزلریمی گل باغلا حسین
آغلیان یوخدی گل منه آغلا حسین
یارالیام_یارالیام
هارداسان ای وفالی قارداش
هجرون ایتدی نوالی قارداش
قوللاریم یاره سی قالوبدی
جسمیده ای یارالی قارداش
محملون_یاره سی یازوبدی باشیما
عاشقم اللرده ئولن قارداشیما
یارالیام _یارالیام
گل حسین ایله درده چاره
شامل ائت لطفووی دوباره
قاره باشیمده گل حسینجان
زینبی قوی ئوزون مزاره
قبریم اوسته یاز ای شهیدلر حاجیسی
ئولدی غربتده یدی قارداش باجیسی
یارالیام _یارالیام
دئ ابولفضله داده گلسین
زینبون غملرینی بیلسین
گوزیاشیم یوزده سیله دونموش
یوزده کی گوزیاشیمی سیلسین
وای منه_یوخدی اللری اشگیمی سیله
زینبی بو سوزونده قارداش گذشت ایله
یارالیام_یارالیام
قالمیوب منده دای دوزوم گل
قارداشیم واردی چوخ سوزوم گل
کربلا یوللارینا حسرت
قالدی بو آغلیان گوزوم گل
کربلا_ عشقی وار باشیمدا یارالی
گل اوخی عشقی گوز یاشیمدا یارالی
یارالیام_یارالیام
- سه شنبه
- 6
- فروردین
- 1398
- ساعت
- 10:48
- نوشته شده توسط
- ابوالفضل عابدی پور
- شاعر:
-
حاج محمد متقی تبریزی
ارسال دیدگاه