ای گونلر ائوینده قالان عریان، آنام اوغلی
گل سایۀ وصلونده ؤریم جان، آنام اوغلی
ای زینبه دیداری اولان هرگجه آمال
یاراولمادی افسوس منه، بخت خوش اقبال
آخر دم عمریمده اقلا ایله خوشحال
گل باشیمین اوسته ایله احسان، آنام اوغلی
( بیرعمرحسین وای دیماقا ائیلدیم عادت)
خلق ایچره ائشیتدیم سنون عشقونده شماتت
قسمت اولا کاش بیرده منه فیض زیارت
جانیم اولا اول لحظه یه قربان، آنام اوغلی
بلبل خوش اولارشخصا عزای گوله گلسین
دوشسون غم و اندوهیله چولدن چوله گلسین
عباسه ده دی، پرچمین آلسین اله گلسین
اولسون سر قبریمده نگهبان، آنام اوغلی
سویله نه قحط لیق نه سو وار، تزگل اوتانما
واردور نه رقیه م، نه ده اصغر، دی دایانما
قارداش جانی سو ایسته مرم منده، یوبانما
سن راضی ائله تا گله بیر آن، آنام اوغلی
یادیمدادی بختیم گونی لطفون منه قارداش
عهد ائتدی اوگون لطفوه زینب ویره پاداش
واردور یری دیدمده اولا گوزیاشی قان یاش
حیف، اولمادی جبرانینه امکان، آنام اوغلی
باشون کسیلنده سینه می داغلامیشام من
والله گجه گوندوز غموه آغلامیشام من
مین حسرتیله یوللارا گوز باغلامیشام من
گل قویما بو حسرت اولا حرمان، آنام اوغلی
باش صحبتی ائتدیم، غمیمین اوسته گلیب غم
دیده مده اولوب قتلگهون بیرده مجسم
الله بولوری چکدی نه لر زینبون اول دم
اولدی اوسینه ن تک دلی شان شان آنام اوغلی
هرقدری غم اولدی سنون عشقونده اونوتدوم
الله اوزی عالمدی نه چکدیم، نه قان اوتدوم
مین زحمتیله شام غریبان سنه دوتدوم
سنده منه دوت شام غریبان، آنام اوغلی
«هاتف» سنون عشقونله یازار دیلده ملالی
لطف إیله یاخینناد اونادا فیض وصالی
بیر وقفه چاغیر إیله اونی کرب و بلالی
قویما اورگین بیله پریشان، آنام اوغلی
- سه شنبه
- 6
- فروردین
- 1398
- ساعت
- 11:42
- نوشته شده توسط
- ابوالفضل عابدی پور
- شاعر:
-
سعید حضرتی (هاتف)
ارسال دیدگاه