چمن خلقته بیرعطریلی ریحان زینب
گل گلزار علی زیب گلستان زینب
مایه ی فخرومباهات اولان آل لاهه
پنج تن منزلینه شمع فروزان زینب
آدی زینت اولان عالمده علینون آدینا
آناسی فاطمه تک سرور نسوان زینب
عصمتینده آناسی فاطمیه همپایه
نطق و گفتاری اولان چون شه مردان زینب
ادب آموخته ی مکتب آغوش علی
صدف معرفته لعل بداخشان زینب
بذین قامتی عباسه حیاسی حسنه
همت وصولتی چون شاه شهیدان زینب
مکتبه گئتمین اما اولان علامه ی دهر
خلقه تفسیر ائلین آیه ی قرآن زینب
رخت تقوانی بیچن قدینه خیاط ازل
یارانان سنگر اسلامه نگهبان زینب
مریم و هاجرو سارا ؛آدینا فخرائلین
پاسبان درگهینه موسی عمران زینب
ولوله شامیده سالدی اموی مسجدینه
اومهارتلی شجاعتلی سخنران زینب
زینب آدلی قیزین عالمده اگرچه سایی یوخ
سن کیمی زینبی حاشا گوره دوران زینب
کربلا غملرینه دوزدی دایاندی داغ تک
ائلدی صبرینه ایوبیده حیران زینب
قلم عاجزدی دلیم قاصرو طبعیم ناچیز
وصفوی نظمه چگم یوخ منه امکان زینب
پای لنگیله سنون درگهوون زائری یم
مورناجیز منم سنده نگهبان زینب
دفترشعریمی سن پای ملخ ائله حساب
هدیم اولدی منی عفوایله چوخ ارزان زینب
برگه ی سبزی بودرویشیدن آل ذره پذیر
عوضینده منه وئر هدیه ی شایان زینب
یازمنیم آدیمه بیرتذکره ی شهردمشق
مرقد پاکوه ائت خاکینی مهمان زینب
- سه شنبه
- 6
- فروردین
- 1398
- ساعت
- 12:45
- نوشته شده توسط
- ابوالفضل عابدی پور
- شاعر:
-
حاج روح الله رمضانی
ارسال دیدگاه