مقام زینب والا تباریدن نه یازیم
یگانه نابغه ی روزگاریدن نه یازیم
کتاب عشقه گوزل آدی زین اب یازیلوب
علی کیمین آتیا افتخاریدن نه یازیم
اوپوب اونون الین عباس افتخار ائلیوب
مقام بانوی علیا وقاریدن نه یازیم
ووران دمشقده کاخ یزیده قاره علم
او قصری فتح ائلین نامداریدن نه یازیم
بو بیر خانمدی رسا نطقی تیغ برّاندی
زبان ناطقی چون ذوالفقاریدن نه یازیم
بلاغتینده علی علم و حلم حسین وحسن
عفافی فاطمیه هم عیاریدن نه یازیم
حسن حسینه باجی مرتضایه نور دو عین
آناسی فاطمیه یادگاریدن نه یازیم
لیاقتین بو خانم کربلاده وئردی نشان
جلال و منزلت بی شماریدن نه یازیم
الهی دولدی اورک کربلا آدی گلدی
صحیفه ی دله غملی دیاریدن نه یازیم
او یرده کوفه لیلر آچدی قتل و غارته ال
قضیّه ی ستم ناگواریدن نه یازیم
قیام محشره اوخشاردی عصر عاشورا
هراس و واهمه و آه و زاریدن نه یازیم
زمان عصریدی باشه یتشدی امر قتال
ملال زینب بی غمگساریدن نه یازیم
توکولدی خیمه لره وحشیانه وحشی عرب
خیامه ووردیلا اوت اول شراریدن نه یازیم
داغلدی چوللره آهو کیمی بالا قیزلار
ستمگر اوچی ، هراسان شکاریدن نه یازیم
چوخی قاچانموری قیزلاردان آت قباقینده
پیاده قیزدان،آت اوسته سواریدن نه یازیم
ووروبدی آتلی پیاده خیامی بیر بیرینه
سمایه قالخان آلودان غباریدن نه یازیم
ایاق یالین قاچوری قورخوشان حرم اهلی
بو ظلم بی عدد و بی شماریدن نه یازیم
قولاقدا اللری قیزلار دیولّه یازهرا
قولاقی یاره لین گوشواریدن نه یازیم
بیریسی سسلنوری داده گل علی اکبر
عبا ایچینده یاتان زخمداریدن نه یازیم
بیری دیور یتیش امدادیمه عمو عباس
فراتین اوسته یاتان جان نثاریدن نه یازیم
قاچور بیری چیخا تلّه بابا بابا سسلور
اوتوز مین آتلی الیندن فراریدن نه یازیم
حسینین ائتدیله غارت خیامین اوتلادیلار
حسین و زینب و سجاد و ناریدن نه یازیم
قاچاردی قتلگهه گاهی خیمیه زینب
قیام حشره چونن کارزاریدن نه یازیم
اویاندا حالت زین العبادیدن نه دیوم
بویاندا ذبح اولونان شهریاردن نه یازیم
یانان خیامده قالمشدی سید سجاد
او لحظه ماوَقَعِ اضطراریدن نه یازیم
ائله ایتیرمشیدی اوز اوزین خانم زینب
الی باشیندا قالان بی قراریدن نه یازیم
گورن او صحنه نی «زعفر» دئدی قیامتیدی
او غملی چولده کی بی حد فشاریدن نه یازیم
او قیل و قالیده امّا یورولمادی زینب
تدبّره نه دیوم بردباریدن نه یازیم
مصائبین قاباقیندا دایاندی سدّ کیمی
شهامت و هنر و اقتداریدن نه یازیم
قوجاتدی زینبی امّا رقیه نین ئولیمی
حصار غمده یانان داغداریدن نه یازیم
دیار شامه چکیلدی الهی رشته ی غم
خرابه یرده او گلگون عذاریدن نه یازیم
شیرین شیرین سوزیلن یاندیراردی عمه سینی
گلیندن آیری دوشن بیر هَزاریدن نه یازیم
دیردی عمه بابام هاردادی هاچان گلجک
گوزیم یاشیلا بی بی انتظاریدن نه یازیم
هایاندا اکبریم آلسون دوباره گوشواره
صبا یلیندن اونا حال زاریدن نه یازیم
عموم بیزه نیه باش چکموری مگر نه اولوب
یوبانسا قمچی سوزیندن قاباریدن نه یازیم
علی اصغریم الان یقین دی که دیل آچار
رباب آناما دئنن شیر خواریدن نه یازیم
اولار گلینجه بی بی قورخورام بو یرده ئولم
ئوزون بویور بو دل داغداریدن نه یازیم
- سه شنبه
- 6
- فروردین
- 1398
- ساعت
- 12:45
- نوشته شده توسط
- ابوالفضل عابدی پور
- شاعر:
-
زعفر آزادمهر شیخ درآبادی
ارسال دیدگاه