گل حسین قربانون اولّام زینبون جان اوسته دی
زلفمی هجرونده یولّام زینبون جان اوسته دی
دویمیوبدی گوزلریم قارداش نگاهوندن سنون
عطریوی جان اوسته آلّام قتلگاهوندن سنون
دل دونوب قانه گل زهرا چمن سیز جان ویرور
یثربین خاتونی غربتده وطن سیز جان ویرور
یدّی قارداش باجیسی قارداش کفن سیز جان ویرور
گل حسین غملی مزاره شادمان گوندر منی
اللرون اولسا بدنده قبلیه دوندر منی
من همان دلدن دوشن دلداریوم قارداش حسین
مونس دل محرم اسراریوم قارداش حسین
عاشق دلخسته ام بیماریوم قارداش حسین
ای طبیب درد زینب تز ئوزون شامه یتور
من که قبرون گورمدیم باری بیر آز تربت گتور
مُستجاب الدّعوه سن قویما گُلِ عمروم صولا
قیل دُعا جسم ابوالفضله قولی مُلحق اولا
سیر روحانی ایدوب سر لشکرونله دوش یولا
سیز گلینجه آتش هجروزده یانّام یا حسین
گورسم عباسین الی یوخدی اوتانّام یا حسین
گلمیشم شامه سفیر دولتون دیدارینه
جان ویرم لرزه سالام هند اوغلونون دربارینه
یا اولام خادم رقیه قبرینون زوّارینه
انقلاب کربلا گرچه اوجالدوب زینبی
بو رقیّه غصّه سی اما قوجالدوب زینبی
شامه تبعید اولموشام ای مظهر تقوا و جود
ایلیوب دشمن منی بطحایه ممنوع الورود
گورمرم بیرده بقیعی یولّورام بوردان درود
من سنی ویرّم قسم مسمار بولموش سینیه
گل حسین زینب ئولور چوللرده، گلمورسن نیه
- سه شنبه
- 6
- فروردین
- 1398
- ساعت
- 15:32
- نوشته شده توسط
- ابوالفضل عابدی پور
- شاعر:
-
ولی الله کلامی زنجانی
ارسال دیدگاه