گلسون منی گورمکلیگه بغداده یوبانما
دوغراندی جگر ، تئز یتیش امداده یوبانما
بغدای گزوب دوتما اوزاق یرده سراغیم
زنداندی مکانیم بالا یوخ فرش و چراغیم
افلیج کیم ، کنده قارالدوبدی ایاقیم
زنجیر کسوب بوینومی ، هارونه اسیرم
حرمت منه قویمازلا اوغول ، سیّد پیرم
گل باشیمون اوستونده اوخی آیۀ قرآن
آخرده گوروم گول یوزووی ، جان وئروم آسان
دلشاد اولی غربتده ، غریبه گله مهمان
بیر فرد غریبین ، داخی کیم یاسینی ساخلار
هر کیمسه غریب اولسا ، غریبلر گلر آغلار
بیر گون اولاجاق ، زهر منیم تک سنی داغلار
ایللر بوئی شیعه ، سنه ماتم قوروب آغلار
آغوشه آلار ، خاک خراسان سنی ساخلار
تقدیر قضا ، هر نقدر اولسا رضا سن
چون شاه خراسان ، غریب الغرباسن
یدّی ایل اولار ، گورمه میشم من سنی اوغلوم
ایستر ئورگیم گورمگه معصومه نی اوغلوم
بیر حاله سالوبدور ، قارا زندان منی اوغلوم
ئولّم بئله سلّول ده ، حتی کفنیم یوخ
بیر آغلیانیم قبره قویان دفن ائده نیم یوخ
من چوخ گئجه لر ، پای پیاده قولی باغلی
گزدیردیله بو شهرلری یالین ایاقلی
بغداده گتوردی ، سورادان سینه سی داغلی
هارون منی سالمیشدی ، بئله محنت و رنجه
گوندوز گئجه ، گیزلینجه ، منه وئردی شکنجه
بوینومدا کی زنجیریمه باخسون چون آغیردی
سنگیندی ز بس ، طاقتیمی الدن آلیردی
من زجر چکوردوم ، ئوزی هاروندا باخوردی
جانیم قوتاروب دردِ دله یوخدی مجالیم
ئولدوردی منیم زجر و شکنجیله بو ظالم
زحمت چک اوغول کرب و بلادن گل اماندور
عرض ایله ، حسین جدّیمه موسی نگراندور
بغداده گلوب اوغلووی گور حالی یاماندور
گر گلمسه بو مطلبی پیغمبره یازسون
بیر نامه نجفده باباسی حیدره یازسون
اللرده ئولن جدّیمه ائت بو سوزی عنوان
فریاده چاقورموشدی سنی هندیده سلطان
سن کرب و بلادن گئدوب ائتدون اونا درمان
وار حقّ گلایم ، منه امداده گلیدون
گورمکلیگه موسانی ، بو بغداده گلیدون
یاز «#نادری» ، هارون نقدر اولسا ستمگر
دریای دیانتدی همام زادۀ جعفر
دنیا آغاجی اولسا قلم ، یر یوزی دفتر
موسایه اولان ظلمی ، نهایت یازا بلمز
حق اوسته ئولن شخصین آدی ، عصرده ئولمز
- یکشنبه
- 11
- فروردین
- 1398
- ساعت
- 15:3
- نوشته شده توسط
- ابوالفضل عابدی پور
- شاعر:
-
مرحوم حاج قدرت اله نادری
ارسال دیدگاه