گل اوغول زندان بغداده یوبانما ئولورم
لطف ائله تئز یتیش امداده یوبانما ئولورم
گل اوغول آغلا منه
گل عزا ساخلا منه
بو قرانلوق محبسیمده ائتدیلر مضطر منی
وئردیلر از بس شکنجه یوردولار آخر منی
جسمده یوخدور توان روحیم ائله افسرده دی
گل نفس دوشدی شماره قبلیه دوندر منی
گل اوغول آغلا منه
گل عزا ساخلا منه
اون بیر ئیل بوینومدا زنجیر سجدیه باش قویموشام
دردمند لا علاجم رخت صحت سویموشام
سند کافر ووردی از بس غیضیلن سیلی منه
گل رضا معصومه جانی ئوز جانیمدان دویموشام
گل اوغول آغلا منه
گل عزا ساخلا منه
یا بُنَیَّ یا عزیزی یا حبیبی یا رضا
لا طَبیبُ لی اَبوک فی مَصابِ لا شِفا
گلمه سون سن کیم یانار بس بو غریبون حالینه
ای طبیبیم گل اماندی دردیمه ایله دوا
گل اوغول آغلا منه
گل عزا ساخلا منه
حالیمه ئولسم بو غربت کیم یانار کیم آغلیار
کیم دییَر نوحه سیزیلدار سینه سین کیم داغلیار
خوار اولار یاسی عزاسی بیر غریب ئولسه اگر
کیم ائدر قرآن تلاوت گوزلرین کیم باغلیار
گل اوغول آغلا منه
گل عزا ساخلا منه
نه واریمدور همنشینیم نه واریم بیر همزبان
باغلورام گوز بو جهاندان ائللریمدن ناگران
بیر غریبم غربت ئولکه آرزو قلبیمده وار
اوغلومون چیگنینده اولسون قبره تابوتیم روان
گل اوغول آغلا منه
گل عزا ساخلا منه
- یکشنبه
- 11
- فروردین
- 1398
- ساعت
- 15:4
- نوشته شده توسط
- ابوالفضل عابدی پور
- شاعر:
-
ابوالفضل عباسی معروفان
ارسال دیدگاه