گل اوغول قتلیمده هارون ایلین تدبیره باخ
گوشۀ زندانیده بوینومدا کی زنجیره باخ
ایلیوب جانان منی مدعوّ محنتدن خلاص
عاشق صادق اولان لازمدی تاپسون اختصاص
ویرمسم جان اولمارام بو کُنج بزمِ قربه خاص
لوح محفوظ قضاده ثبت اولان تقدیره باخ
اون بی رایلدی اولموشام اهل ضلالتدن کنار
ائتمیشم بو گوشۀ زنداندا غربت اختیار
همدمیم غم، مونسیم ناله، انیسیم ذکر یار
اوج ائدن افلاکه دلدن نالۀ شبگیره باخ
بسکه واردور ناله و آهیمده تأخیر هر گئجه
نالم ایلر عالمی معناده دلگیر هر گئجه
منله همناله اولور بوینومدا زنجیر هر گئجه
گور سیزیلتی سوزشین بیر ناله ده تأثیره باخ
صبحدن شامه کیمی زنداندا هر گون صائمم
شامدن صبحه کیمی گَه راکعم گه قائمم
سجده مه امّا ادامه واردی ساجد دائمم
ثِقلَت زنجیرِ کینه سیر ایله تفسیره باخ (1)
بو نچه مدّتده ائتدیم بیر نچه زندان عوض (2)
اولمادیم دلتنگ هئچ زنداندا بونجا الغرض
یوخ گناهیم گر مقصّر فرض اولونسام لو فرض
یوخ دییَن هارونه عفو ائت بخشش تقصیره باخ
چون گورور یوخ بیر نفر وئرسون منیله سس سسه
وار بو یالقیز قالماقین تأثیری چوخ بو بی کسه
گونده بیر دفعه گلور سِندِ ابن شاهِک محبسه
دشمنیم یالقیزلیقیمدا ایلین تدبیره باخ
قوی بونی زنداندا داد و ناله و افغانیله
بیر دولان باخ کربلایه دیدۀ گریانیله
جان وئرور سلطان مظلومان لبِ عطشانیله
سینه سینده دورت مین اوخ جسمینده مین شمشیره باخ
بیر نفرمظلوم اوتوز مین لشکر بی ننگ و نام
بیر یارالی شاه، نچّه فوج اشرار لئام
یاغدیرور بیر فرقه داش بیر فرقه اللرده حسام
بیر جماعت نیزه لی بیر فرقه الده تیره باخ
شرحینی بو ماجرانین ائتمرم واضح بیان
ساخلارام قلبیمده یانّام اهل اولسان سنده یان
شرم ایدوب نه شامیان نه رحمه گلدی کوفیان
شرم ایدور امّا او شرحه خامۀ تحریره باخ
ایسته سن «#شأنی» اولا اثبات عین و قاف و شین
نوحه یاز گل شیونه چک دلدن آه آتشین
ویردی دم «#صحاف» اودور سوز گلدی بیله دلنشین
گل اوغول قتلیمده هارون ایلین تدبیره باخ
ـــــــــــ
- یکشنبه
- 11
- فروردین
- 1398
- ساعت
- 15:7
- نوشته شده توسط
- ابوالفضل عابدی پور
- شاعر:
-
مرحوم حسین شانی تبریزی
ارسال دیدگاه